அஜித் நடிக்க இருக்கும் ‘விடாமுயற்சி’ என்ற திரைப்படத்தின் அறிவிப்பை லைகா நிறுவனம் கடந்த சில மாதங்களுக்கு முன்னர் வெளியிட்ட நிலையில் இந்த படத்தின் படப்பிடிப்பு குறித்த செய்தி வராததால் ரசிகர்கள் பெரும் அதிருப்தி அடைந்தனர்.

ஆனால் சமீபத்தில் ஒரு திரைப்பட விழாவில் கலந்து கொண்ட லைகா நிறுவனத்தின் சுபாஷ்கரன், ‘விடாமுயற்சி’ திரைப்படம் கைவிடப்படவில்லை என்றும் விரைவில் படப்பிடிப்பு தொடங்கும் என்றும் இந்த படம் எங்கள் பெருமைக்குரிய தயாரிப்பு என்று தெரிவித்தார்.

மேலும் செப்டம்பர் இறுதியில் இந்த படத்தின் படப்பிடிப்பு தொடங்க இருப்பதாகவும் கூறப்பட்டது. இந்த நிலையில் தற்போது இந்த படத்தின் படப்பிடிப்பை மூன்று நாடுகளில் நடத்த மகிழ் திருமேனி திட்டமிட்டுள்ளதாக கூறப்படுகிறது.

குறிப்பாக 60% படப்பிடிப்பை துபாயில் நடத்த உள்ளதாகவும் அதன் பிறகு அதிரடி ஆக்சன் காட்சிகளை இந்தோனேசியாவில் படமாக்க இருப்பதாகவும் அதன் பின்னர் ஒரு சில காட்சிகளை மட்டும் இந்தியாவில் படமாக்க இருப்பதாகவும் கூறப்படுகிறது.

இதுவரை இல்லாத வகையில் மிகப்பெரிய அதிரடி ஆக்ஷன் திரில்லர் படமாக இந்த படம் உருவாக இருப்பதாகவும் கூறப்படுகிறது . அஜித் ஜோடியாக த்ரிஷா நடிக்க இருப்பதாக கூறப்படும் இந்த படத்திற்கு அனிருத் இசையமைக்க இருக்கிறார் என்பது குறிப்பிடத்தக்கது.