'விடாமுயற்சி' படப்பிடிப்பில் திடீரென மாரடைப்பால் இறந்த பிரபலம்.. அதிர்ச்சியில் படக்குழு..!
- IndiaGlitz, [Sunday,October 15 2023]
அஜித் நடித்து வரும் ’விடாமுயற்சி’ படத்தின் படப்பிடிப்பு அஜர்பைஜான் நாட்டில் விறுவிறுப்பாக நடைபெற்று வரும் நிலையில் இந்த படத்தில் பணிபுரியும் முக்கிய பிரபலம் ஒருவர் திடீரென மாரடைப்பால் மரணம் அடைந்தது படக்குழுவினர்களை அதிர்ச்சி அடைய செய்துள்ளது.
அஜித், த்ரிஷா, ரெஜினா நடிப்பில், மகிழ் திருமேனி இயக்கத்தில், அனிருத் இசையில், லைக்கா நிறுவனத்தின் பிரமாண்டமான தயாரிப்பில் உருவாகி வரும் திரைப்படம் ’விடாமுயற்சி’.
இந்த படத்தின் படப்பிடிப்பு கடந்த சில நாட்களாக அஜர்பைஜான் நாட்டில் நடைபெற்று வருகிறது. இந்த நிலையில் இந்த படத்தில் கலை இயக்குனராக பணிபுரிந்து கொண்டிருந்த மிலன் என்பவர் திடீரென மாரடைப்பால் மரணம் அடைந்து விட்டதாக செய்தி வெளியாகியுள்ளது.
இதனால் படக்குழுவினர் அதிர்ச்சி அடைந்துள்ளனர். இதனை அடுத்து காலமான கலை இயக்குனர் மிலன் அவர்களுக்கு திரையுலகினர் இரங்கல் தெரிவித்து வருகின்றனர்.