జనతా గ్యారేజ్ కి విక్టరీ అభినందనలు..!
- IndiaGlitz, [Friday,September 09 2016]
యంగ్ టైగ‌ర్ ఎన్టీఆర్ - బ్లాక్ బ‌ష్ట‌ర్ డైరెక్ట‌ర్ కొర‌టాల శివ కాంబినేష‌న్లో రూపొందిన భారీ చిత్రం జనతా గ్యారేజ్. మైత్రీ మూవీ మేక‌ర్స్ సంస్థ నిర్మించిన ఈ చిత్రంలో మోహ‌న్ లాల్ కీల‌క‌పాత్ర పోషించ‌గా, ఎన్టీఆర్ స‌ర‌స‌న నిత్యామీన‌న్, స‌మంత న‌టించారు. ఈనెల 1న రిలీజైన జనతా గ్యారేజ్ రికార్డ్ స్ధాయి క‌లెక్ష‌న్స్ తో విజ‌య‌వంతంగా ప్ర‌ద‌ర్శింప‌బ‌డుతోంది.
తెలుగు రాష్ట్రాల్లోనే కాకుండా ఓవ‌ర్ సీస్ లో సైతం స‌రికొత్త రికార్డ్స్ సృష్టిస్తుండ‌డం విశేషం. బాహుబ‌లి త‌ర్వాత మొద‌టివారంలోనే 100 కోట్లు గ్రాస్ క‌లెక్ట్ చేసిన చిత్రంగా జనతా గ్యారేజ్ సెన్సేష‌న్ క్రియేట్ చేసింది. ఇక ఈ సంచ‌ల‌న చిత్రాన్ని విక్టరీ వెంక‌టేష్ చూసార‌ట. త‌న స్పంద‌న‌ను వెంక‌టేష్ ఫేస్ బుక్ ద్వారా తెలియ‌చేస్తూ...ఫ్యామిలీ ఎమోష‌నల్ డ్రామా ఇది. ఎన్టీఆర్ & మోహ‌న్ లాల్ గ్రేట్ ప‌ర్ ఫార్మెన్స్. టీమ్ అంద‌ర‌కీ కంగ్రాట్స్ అంటూ త‌న స్పంద‌న‌ను తెలియ‌చేయ‌డం విశేషం..!