சூப்பர் ஸ்டார் ரஜினிகாந்த் நடித்த ‘வேட்டையன்’ திரைப்படத்தில் வில்லன்களில் ஒருவராக நடித்தவர், தற்போது ஒரு திரைப்படத்தை இயக்க இருப்பதாகவும், இவர் சட்டம் படித்தவர் என்பதால் நீதிமன்றத்தை மையமாக கொண்ட ஒரு கதையை கையில் எடுத்துள்ளதாகவும் கூறப்படுகிறது.

ரஜினிகாந்த் நடிப்பில், ஞானவேல் இயக்கத்தில் உருவான ‘வேட்டையன்’ படத்தில், ரஜினியால் என்கவுண்டர் செய்யப்பட்டு கொல்லப்படும் ஒரு வில்லன் கதாபாத்திரத்தில் நடித்தவர் மலையாள நடிகர் சாபுமோன். இவர் மலையாள பிக் பாஸ் நிகழ்ச்சியில் கலந்து கொண்டு, டைட்டில் பட்டம் வென்றவர்.

‘வேட்டையன்’ படம் மூலம் தமிழ், மலையாள ரசிகர்கள் மத்தியில் பிரபலமானார். தற்போது, இவர் இயக்குனராக இருப்பதாகவும், அடிப்படையில் சட்டம் படித்தவர் என்பதால், இவரது முதல் படம் நீதிமன்றத்தை மையமாகக் கொண்ட கதை சார்ந்ததாக இருக்கும் என்றும் கூறப்படுகிறது.

இந்த படத்தின் நாயகி மிஷ்கின் இயக்கிய பிசாசு படத்தில் நடித்த பிரயாகா மார்ட்டின் என்பவர் நடிக்கவுள்ளார். பிரயாகாவின் நெருங்கிய குடும்ப நண்பர் தான் சாபுமோன் என்றும், ஒரு போதைப் பொருள் கடத்தல் பிரச்சினையில் பிரயாகா சிக்கியபோது, சாபுமோன் அவரை வெளியே கொண்டு வர உதவி செய்ததாகவும் கூறப்படுகிறது.