சூப்பர் ஸ்டார் ரஜினிகாந்த் நடித்த ‘வேட்டையன்’ திரைப்படம் வரும் அக்டோபர் 10ஆம் தேதி உலகம் முழுவதும் பிரம்மாண்டமாக திரையரங்குகளில் வெளியாக இருக்கும் நிலையில் இந்த படத்தை தமிழகத்தில் ரிலீஸ் செய்யும் நிறுவனம் குறித்த அதிகாரபூர்வ அறிவிப்பு சற்றுமுன் வெளியாகி இணையத்தில் வைரல் ஆகி வருகிறது.

சூப்பர் ஸ்டார் ரஜினிகாந்த் நடிப்பில், ஞானவேல் இயக்கத்தில், அனிருத் இசையில், லைக்கா நிறுவனத்தின் பிரமாண்டமான தயாரிப்பில் உருவாகியுள்ள திரைப்படம் ‘வேட்டையன்’. இந்த படம் அக்டோபர் பத்தாம் தேதி ரிலீஸ் ஆக இருக்கும் நிலையில் கடந்த சில நாட்களாக விறுவிறுப்பாக புரமோஷன் பணிகள் நடைபெற்று வருகிறது என்பதும் சமீபத்தில் இந்த படத்தின் பாடல்கள் வெளியானது என்பதையும் பார்த்தோம்.

இந்த நிலையில் இந்த படத்தின் வியாபாரமும் விறுவிறுப்பாக நடைபெற்று வரும் நிலையில் சற்றுமுன் ‘வேட்டையன்’ படத்தை தமிழகத்தில் ரெட் ஜெயன்ட் மூவிஸ் நிறுவனம் ரிலீஸ் செய்வதாக அதிகாரப்பூர்வமாக அறிவிக்கப்பட்டுள்ளது. இது குறித்து அறிவிப்பு ரெட் ஜெயன்ட் மூவிஸ் நிறுவனத்தின் சமூக வலைதளத்தில் வெளியிட்டுள்ள நிலையில் இந்த படத்திற்கு மிகப்பெரிய அளவில் புரமோஷன் கிடைக்கும் என்று எதிர்பார்க்கப்படுகிறது.

ஏற்கனவே லைக்கா நிறுவனத்தின் சில படங்களை ரெட் ஜெயன்ட் மூவிஸ் நிறுவனம் வெளியிட்டுள்ள நிலையில் ‘வேட்டையன்’ படத்தையும் ரிலீஸ் செய்கிறது என்பது குறிப்பிடத்தக்கது.

We’re beyond excited to join hands with @LycaProductions for #Superstar @rajinikanth’s #VETTAIYAN! Hunting in theatres soon. 🤩#Vettaiyan 🕶️ Releasing on 10th October in Tamil, Telugu, Hindi & Kannada!@rajinikanth @SrBachchan @tjgnan @anirudhofficial @LycaProductions… pic.twitter.com/bpGyqTLPsI

— Red Giant Movies (@RedGiantMovies_) September 27, 2024