சூப்பர் ஸ்டார் ரஜினிகாந்த் நடித்த 'வேட்டையன்’ திரைப்படத்தின் இசை வெளியீட்டு விழா இன்று மாலை சென்னை நேரு ஸ்டேடியத்தில் நடைபெற இருக்கிறது. இந்நிலையில் இந்த படத்தின் செகண்ட் சிங்கிள் பாடல், ‘Hunter Vantaar’ என்ற பாடல், சற்றுமுன் வெளியாகி, இணையத்தில் வைரல் ஆகி வருகிறது.

'வேட்டையன்’ திரைப்படம் அக்டோபர் 10ஆம் தேதி இந்த படம் உலகம் முழுவதும் திரையரங்குகளில் பிரமாண்டமாக வெளியாகவுள்ளது. இந்த நிலையில், படத்தின் முதல் பாடல் 'மனசிலாயோ' சமீபத்தில் வெளியாகி, இரண்டு கோடிக்கும் அதிகமான பார்வையாளர்களை பெற்ற நிலையில், சற்று முன் படத்தின் இரண்டாவது பாடல் வெளியாகி உள்ளது. இந்த பாடலை சித்தார்த் பஸ்ரூர் பாடியிருக்க தெருக்குரல் அறிவு எழுதியுள்ளார்.

இந்த பாடல் 'இன்னொரு ’ஹூக்கும்’ பாடலாக இருக்கும் என எதிர்பார்க்கப்பட்ட நிலையில், இந்த பாடல் ரசிகர்கள் மத்தியில் மிகப்பெரிய வரவேற்பு பெற்றிருக்கிறது. இந்த படத்தின் மற்ற பாடல்கள் இசை வெளியீட்டு விழாவின் போது வெளியிடப்படும் என்பது குறிப்பிடத்தக்கது.

ரஜினிகாந்த், அமிதாப்பச்சன், பகத் பாஸில், ராணா டகுபாய், மஞ்சு வாரியர், ரித்திகா சிங், துஷாரா விஜயன், கிஷோர், ரோகிணி, ரமேஷ் திலக், ரக்சன், ஜிஎம் சுந்தர் உள்பட பலர் நடிப்பில் உருவாகி வரும் ’வேட்டையன்’ படத்தை லைக்கா நிறுவனம் தயாரித்துள்ளது. அனிருத் இசையில் எஸ்.ஆர்.கதிர் ஒளிப்பதிவில், பிலோமின்ராஜ் படத்தொகுப்பில் இந்த படம் உருவாகியுள்ளது.