'ஜெயிலர்', 'கோட்' பட முதல் நாள் வசூலை முந்தியதா 'வேட்டையன்' ?
- IndiaGlitz, [Friday,October 11 2024]
சூப்பர் ஸ்டார் ரஜினிகாந்த் நடித்த ‘வேட்டையன்' திரைப்படம் நேற்று வெளியான நிலையில், இந்த படத்தின் முதல் நாள் வசூல் தொடர்பான தகவல்கள் வெளியாகி உள்ளன.
ரஜினிகாந்த் நடிப்பில், ஞானவேல் இயக்கத்தில், அனிருத் இசையில் உருவான 'வேட்டையன்' திரைப்படம் நேற்று வெளியானது. இந்த படம் பாசிட்டிவ் விமர்சனங்களை பெற்ற நிலையில், முதல் நாளில் 30 கோடி ரூபாய் வசூல் செய்ததாக தகவல் வெளியாகி உள்ளது.
ஆனால் அதே நேரத்தில், விஜய் நடித்த 'கோட்' திரைப்படம் முதல் நாளில் 44 கோடியும், 'ஜெயிலர்' திரைப்படம் 48 கோடி வசூல் செய்தது குறிப்பிடத்தக்கது.
'வேட்டையன்' திரைப்படம் தமிழில் 26.1 கோடியும், தெலுங்கில் 3.2 கோடியும், ஹிந்தியில் 6 லட்சம் ரூபாயும் மட்டும் வசூல் செய்ததாக தகவல் கிடைத்துள்ளது. ஆயுத பூஜை விடுமுறை தொடர்ந்து இருப்பதால், படத்துக்கு நல்ல வரவேற்பு கிடைக்கும் என்றும் எதிர்பார்க்கப்படுகிறது.