தளபதி விஜய்யின் விஜய் மக்கள் இயக்கம் நேற்று நடத்திய கல்வி விழாவில் விஜய் பேசிய போது வெற்றிமாறன் இயக்கத்தில் தனுஷ் நடிப்பில் உருவான ’அசுரன்’ படத்தில் இடம்பெற்ற வசனத்தை பேசினார் என்பதை பார்த்தோம்.

’உங்களிடம் இருக்கும் சொத்தை எடுத்துக் கொள்வார்கள், உங்களிடம் இருக்கும் காடை எடுத்துக் கொள்வார்கள், ஆனால் உங்களிடம் இருக்கும் படிப்பை மட்டும் யாராலும் எடுத்துக் கொள்ள முடியாது’ என்ற வசனம் தன்னை ரொம்ப பாதித்ததாகவும் அப்படி ஒரு முக்கியத்துவம் வாய்ந்த கல்விக்கு என் பங்கிற்கு ஏதாவது செய்ய வேண்டும் என்றும் முடிவு செய்து இந்த விழாவை நடத்த ஏற்பாடு செய்தேன் என்றும் நேற்றைய விழாவில் விஜய் பேசினார்.

விஜய்யின் இந்த பேச்சு குறித்து கருத்து தெரிவித்த இயக்குனர் வெற்றிமாறன் ’சினிமாவில் சொல்கிற ஒரு கருத்து முக்கியமான நபர்களை சென்றடையும் போது நேர்மறையான தாக்கத்தை ஏற்படுத்தும் என்றும் நமது வரலாறுகளை தெரிந்து கொள்ள வேண்டும் என்றால் அம்பேத்கர், பெரியார், காமராஜரோடு அண்ணாவையும் படிக்க வேண்டும் என்றும் தெரிவித்தார்.