தனுஷின் திரையுலக வாழ்க்கையில் இதுதான் காஸ்ட்லி படம்
- IndiaGlitz, [Tuesday,April 18 2017]
தனுஷ் இயக்கிய 'ப.பாண்டி' திரைப்படம் பாக்ஸ் ஆபீசில் ஹிட்டாகியுள்ள நிலையில் அவர் நடித்து வரும் இன்னொரு படமான 'வடசென்னை' திரைப்படத்தின் முதல்கட்ட படப்பிடிப்பு முடிவடைந்து தற்போது இரண்டாவது கட்ட படப்பிடிப்பு நடந்து வருகிறது.
இந்த நிலையில் 'வடசென்னை' படம் தான் தனுஷின் படங்களிலே காஸ்ட்லி பட்ஜெட் படம் என்று கோலிவுட்டில் கூறப்படுகிறது. இந்த படத்தின் முதல்கட்ட படப்பிடிப்பிற்கு ஆன பட்ஜெட்டின் தொகைதான் தனுஷ் தயாரித்த 'விசாரணை' படத்தின் மொத்த பட்ஜெட் என்றால் இந்த படத்தின் மொத்த பட்ஜெட் எவ்வளவு வரும் என்பதை யூகித்து கொள்ளுங்கள்
வடசென்னை கேங்ஸ்டர் கதையம்சம் கொண்ட இந்த படத்தில் தனுஷூக்கு ஜோடியாக அமலாபால் நடிக்கும் இந்த படத்தில் ஆண்ட்ரியா, சமுத்திரக்கனி, டேனியல் பாலாஜி, கிஷோர், கருணாஸ் உள்பட பலர் நடித்து வருகின்றனர். சந்தோஷ் நாராயணன் இசையில், வேல்ராஜ் ஒளிப்பதிவில், வெங்கடேஷ் படத்தொகுப்பில் இந்த படத்தின் படப்பிடிப்பு நடந்து வருகிறது.
மேலும் கவுதம் மேனன் இயக்கத்தில் தனுஷ் நடித்து வரும் 'எனை நோக்கி பாயும் தோட்டா' படத்தின் படப்பிடிப்பும் இறுதிக்கட்டத்தில் உள்ளது என்பதும், அவர் நடிக்கவுள்ள ஹாலிவுட் படம் மே மாதத்தில் தொடங்க வாய்ப்பு உள்ளது என்பதும் குறிப்பிடத்தக்கது.