பொல்லாதவன், ஆடுகளம் என்ற இரண்டே படங்களை இயக்கியிருந்தாலும் தமிழ் திரையுலகின் முன்னணி இயக்குனர்களில் ஒருவராக விளங்கி வருபவர் இயக்குனர் வெற்றிமாறன். மேற்கண்ட இரண்டு படங்களும் தனுஷின் மார்க்கெட்டை தூக்கி நிறுத்தியது மட்டுமின்றி ஆடுகளம் படம் அவருக்கு தேசிய விருதையும் பெற்றுத்தந்தது.

இந்நிலையில் வெற்றிமாறன் இயக்கிய 'விசாரணை' திரைப்படம் ரிலீசுக்கு முன்பே பல சர்வதேச திரைப்படங்களில் கலந்து கொண்டு பெரும் பாராட்டுக்களையும் விருதுகளை பெற்றது. தற்போது இந்த படத்தின் ரிலீஸ் தேதி குறித்த தகவல் வெளிவந்துள்ளது.

'விசாரணை' திரைப்படம் வரும் 31ஆம் தேதி ரிலீஸ் ஆகும் என நம்பத்தகுந்த வட்டாரங்களில் இருந்து தகவல் வெளிவந்துள்ளது. விரைவில் இந்த தேதி அதிகாரபூர்வமாக இயக்குனரால் அறிவிக்கப்படும் என கூறப்படுகிறது. தினேஷ், சமுத்திரக்கனி உள்பட பலர் நடித்துள்ள இந்த படத்தை தனுஷ் மற்றும் வெற்றிமாறன் இணைந்து தயாரித்துள்ளனர்.,