தனுஷின் அடுத்த தேசிய விருதுக்கு இன்று அச்சாரம்.
- IndiaGlitz, [Wednesday,June 22 2016]
வெற்றிமாறன் இயக்கத்தில் தனுஷ் நடித்த 'பொல்லாதவன்', ஆடுகளம்' ஆகிய இரண்டு படங்களுமே நல்ல வெற்றி பெற்றதோடு ஆடுகளம்' படம் தனுஷூக்கு தேசிய விருதையும் பெற்றுத்தந்தது. அதுமட்டுமின்றி வெற்றிமாறனுடன் தனுஷ் இணைந்து தயாரித்த 'காக்கா முட்டை' மற்றும் 'விசாரணை' ஆகிய படங்களும் தேசிய விருது பெற்றன. எனவே தனுஷும் வெற்றிமாறனும் இணைந்தாலே தேசியவிருது உறுதி என்ற நிலை ஏற்பட்டுள்ளது.
இந்நிலையில் தனுஷ் நடிப்பில் வெற்றிமாறன் இயக்கவுள்ள 'வடசென்னை' படத்திற்கு இன்று பூஜை போடப்பட்டுள்ளது. சென்னையில் மிக எளிமையாக நடந்த இந்த தொடக்க விழா பூஜையில் படக்குழுவினர் பலர் கலந்து கொண்டனர்.
தனுஷ், சமந்தா, உள்பட பலர் நடிக்கவுள்ள இந்த படத்திற்கு யுவன்ஷங்கர் ராஜா இசையமைக்கவுள்ளார்.