தளபதி விஜய் நடித்து வரும் 'தளபதி 62' திரைப்படத்தின் படப்பிடிப்பு கிட்டத்தட்ட பாதி முடிந்துவிட்ட நிலையில் அவருடைய அடுத்த படம் குறித்து பல்வேறு தகவல்கள் வெளிவந்து கொண்டிருக்கின்றது. விஜய்யின் அடுத்த படத்தை இயக்க கோலிவுட்டின் முன்னணி இயக்குனர்கள் வரிசையில் காத்து கொண்டிருக்கின்றனர்.

இந்த நிலையில் பிரபல இயக்குனர் வெற்றிமாறன் சமீபத்தில் விஜய்யை சந்தித்து ஒரு வரி கதையை கூறியதாகவும், இந்த கதை விஜய்க்கு பிடித்துவிட்டதாகவும் கூறப்படுகிறது. இந்த படம் 'தளபதி 63' அல்லது 'தளபதி 64' ஆக இருக்க வாய்ப்பு இருப்பதாகவும் கூறப்படுகிறது. இருப்பினும் இதுகுறித்த அதிகாரபூர்வ தகவல்கள் வெளிவரும் வரை பொறுமை காப்போம்.

வெற்றிமாறன் தற்போது தனுஷ் நடித்துள்ள 'வடசென்னை' படத்தின் முதல் பாகத்தை இயக்கி முடித்துள்ளார். விரைவில் இந்த படத்தின் இரண்டாம் மற்றும் மூன்றாம் பாகத்தை அவர் இயக்குவார் என்பது குறிப்பிடத்தக்கது.