பழம்பெரும் இயக்குனர், தயாரிப்பாளர் முக்தா சீனிவாசன் இன்று காலமானார். அவருக்கு வயது 88

சிவாஜி கணேசன், எஸ்.எஸ்.ராஜேந்திரன், ஜெமினி கணேசன், ரஜினிகாந்த், கமல்ஹாசன், சரத்குமார் உள்ளிட்ட பல முன்னணி நடிகர்களின் படங்களை இயக்கவும் தயாரிக்கவும் செய்தவர். சிவாஜி கணேசன் நடித்த அந்தமான் காதலி', 'கீழ்வானம் சிவக்கும்', 'கமல்ஹாசனின் 'நாயகன்', சிம்லா ஸ்பெஷல், ரஜினிகாந்த் நடித்த 'சிவப்பு சூரியன், 'பொல்லாதவன்' ஆகியவை இவர் தயாரித்த முக்கிய படங்கள் ஆகும்.

மேலும் முன்னாள் முதல்வர் ஜெயலலிதாவின் 100வது படமான 'சூரியகாந்தி' படத்தை இயக்கியவரும் இவர்தான் என்பது குறிப்பிடத்தக்கது.

இயக்குனர், தயாரிப்பாளர் முக்தா சீனிவாசன் கடந்த சில நாட்களாக உடல்நலம் இன்றி சிகிச்சை பெற்று வந்த நிலையில் இன்று சென்னை தி.நகரில் உள்ள அவரது இல்லத்தில் காலமானார். மறைந்த பழம்பெரும் இயக்குனர் முக்தா சீனிவாசனுக்கு திரையுலகினர் இரங்கல் தெரிவித்து வருகின்றனர்.