பழம்பெரும் இயக்குனர் எஸ்பி முத்துராமன் மருத்துவமனையில் அனுமதி: கொரோனா பாதிப்பா?
- IndiaGlitz, [Thursday,April 08 2021]
கமலஹாசன், ரஜினிகாந்த், விஜயகாந்த், சத்யராஜ் உள்பட முன்னணி நடிகர்களின் படங்களை இயக்கிய பழம்பெரும் இயக்குநர் எஸ்பி முத்துராமன் அவர்கள் சற்று முன்னர் மருத்துவமனையில் அனுமதிக்கப்பட்டுள்ளதாக செய்திகள் வெளியாகி உள்ளது.
சென்னையில் உள்ள தனியார் மருத்துவமனையில் இயக்குநர் எஸ்பி முத்துராமன் அனுமதிக்கப்பட்டுள்ளதாகவும், அவருக்கு மருத்துவர்கள் தீவிர சிகிச்சை செய்து வருவதாகவும் தகவல்கள் வெளிவந்துள்ளன.
இயக்குநர் எஸ்பி முத்துராமன் அவர்களுக்கு கொரோனா அறிகுறி இருப்பதாகவும் இதனை அடுத்து அவருக்கு கொரோனா பரிசோதனை செய்யப்பட்டு இருப்பதாகவும் விரைவில் அது குறித்த பரிசோதனை முடிவுகள் வெளிவரும் என்றும் கூறப்படுகிறது.
மேலும் எஸ்பி முத்துராமன் அவர்கள் தற்போது மருத்துவர்களின் கண்காணிப்பில் இருப்பதாகவும் அவரது உடல்நிலை தற்போது சீராக இருப்பதாகவும் மருத்துவமனை வெளியிட்ட அறிவிப்பில் கூறப்பட்டுள்ளது.
இயக்குநர் எஸ்பி முத்துராமன் மருத்துவமனையில் அனுமதிக்கப்பட்டுள்ளதை அடுத்து அவர் விரைவில் குணமாக வேண்டும் என திரையுலக பிரபலங்கள் தங்களது வாழ்த்துக்களை தெரிவித்து வருகின்றனர்.