கோலிவுட் திரையுலகின் பழம்பெரும் இயக்குனர் சி.வி. ராஜேந்திரன் உடல்நலக்குறைவு காரணமாக சென்னையில் மரணம் அடைந்தார். மறைந்த பழம்பெரும் இயக்குனருக்கு கோலிவுட் திரையுலக பிரபலங்கல் இரங்கல்கள் தெரிவித்து வருகின்றனர்.

பிரபல இயக்குனர் ஸ்ரீதரிடம் உதவியாளராக பணியாற்றிய சி.வி.ராஜேந்திரன், 1967ஆம் ஆண்டு 'அனுபவம் புதுமை' என்ற படத்தின் மூலம் இயக்குனராக அறிமுகமானவர்.

நடிகர் திலகம் சிவாஜிகணேசன் நடித்த பல திரைப்படங்களை இவர் இயக்கியுள்ளார். குறிப்பாக சிவாஜி நடித்த கலாட்டா கல்யாணம், சுமதி என் சுந்தரி, ராஜா, சிவகாமியின் செல்வன், வாணி ராணி, உனக்காக நான், சங்கிலி, சந்திப்பு, உள்பட பல திரைப்படங்களை இயக்கியுள்ளார். மேலும் கமல்ஹாசன் நடித்த 'மாலை சூடவா', உல்லாச பறவைகள் ரஜினிகாந்த் நடித்த 'கர்ஜனை, சத்யராஜ் நடித்த 'சின்னப்பதாஸ், பிரபு நடித்த 'ஆன்ந்த், ராஜா வீட்டு கன்னுக்குட்டி, போன்ற படங்களை இயக்கியுள்ளார்.

மறைந்த இயக்குனர் சி.வி.ராஜேந்திரன் அவர்களின் ஆத்மா சாந்தியடைய பிரார்த்தனை செய்வோம்.