மறைந்த நடிகை லலிதாவின் கடைசி படம்: இயக்குனர் வெளியிட்ட வீடியோ வைரல்!
- IndiaGlitz, [Wednesday,February 23 2022]
விஜய், ஷாலினி நடித்த ’காதலுக்கு மரியாதை’ உள்பட ஒரு சில தமிழ் படங்களிலும் ஏராளமான மலையாள படங்களிலும் நடித்த பழம்பெரும் நடிகை லலிதா இன்று காலமானார் என்ற செய்தியை ஏற்கனவே பார்த்தோம்.
இந்த நிலையில் அவருடைய கடைசி தமிழ் படத்தை இயக்கிய இயக்குனர் ஒருவர் அந்த படத்தின் படப்பிடிப்பின் போது எடுத்த வீடியோவை வெளியிட்டு அவருக்கு அஞ்சலி செலுத்தியுள்ளார்.
தமிழ் திரையுலகின் நடிகர் இயக்குனரான ஆர்ஜே பாலாஜி இயக்கி வரும் திரைப்படம் ’வீட்ல விசேஷங்க’. இந்த படத்தில் ஒரு முக்கிய கேரக்டரில் நடிகை லலிதா நடித்துள்ளார். அவர் இந்த படத்தின் படப்பிடிப்பின்போது அவருக்கு டான்ஸ் கற்றுக் கொடுக்கும் காட்சியின் வீடியோவை ஆர்ஜே பாலாஜி தனது இன்ஸ்டாகிராம் பக்கத்தில் வெளியிட்டுள்ளார்.
இந்தியாவின் மிகச் சிறந்த நடிகைகளில் ஒருவரான லலிதா நடித்த கடைசி தமிழ் திரைப்படத்தில் நடித்து, அவரை இயக்கிய அதிர்ஷ்டம் எனக்கு கிடைத்துள்ளது. அவர் எப்போதும் மிகுந்த அன்புடனும் மகிழ்ச்சியுடனும் இருப்பவர். அவருடன் இருந்த ஒவ்வொரு நிமிடமும் எனக்கு எப்பொழுதும் நினைவுடன் இருக்கும் என்றும் குறிப்பிட்டுள்ளார்.