ప్రముఖ నటుడు, రచయిత రావి కొండలరావు నేడు మృతి చెందారు. గుండెపోటుతో ఆయన మృతి చెందారు. బేగంపేటలోని ఓ ప్రైవేటు ఆసుపత్రిలో చికిత్స పొందుతూ ఆయన కన్నుమూశారు. గత కొంత కాలంగా హుద్రోగ సమస్యలతో ఆయన బాధపతున్నట్లు సమాచారం. 1932 ఫిబ్రవరి 11న సామర్లకోటలో రావి కొండలరావు జన్మించారు. 1958లో శోభ సినిమా ద్వారా ఆయన వెండితెరకు పరిచయం అయ్యారు.

రావి కొండలరావు దాదాపు 30 సినిమాల్లో నటించారు. చివరిగా ఆయన 2008లో వచ్చిన ‘కింగ్’ సినిమాలో అతిథి పాత్రలో కనిపించారు. భైరవద్వీపం, బృందావనం చిత్రాలకు సంభాషణలు అందించగా.. పెళ్లిపుస్తకం చిత్రానికి కథను అందించారు. ఆయన సతీమణి రాధాకుమారి 2012లో మరణించారు. వీరిద్దరూ పలు సినిమాల్లో నటించడమే కాకుండా పలు సినిమాలకు డబ్బింగ్ సైతం చెప్పారు. రావి కొండలరావు మృతి పట్ల పలువురు సినీ ప్రముఖులు సంతాపం వ్యక్తం చేశారు.