ரியல் மோடியை சந்தித்து வாழ்த்து தெரிவித்த ரீல் மன்மோகன்சிங்!
- IndiaGlitz, [Tuesday,July 02 2019]
முன்னாள் பிரதமர் மன்மோகன்சிங் அவர்களின் வாழ்க்கை வரலாறு குறித்த திரைப்படமான 'தி ஆக்சிடெண்டல் பிரைம் மினிஸ்டர்' என்ற திரைப்படம் கடந்த ஜனவரி மாதம் தமிழ் உள்பட இந்தியாவின் முக்கிய மொழிகளில் வெளியானது. இந்த படத்திற்கு நல்ல வரவேற்பு கிடைத்ததோடு, மன்மோகன்சிங் கேரக்டரில் நடித்திருந்த பாலிவுட்டின் பழம்பெரும் நடிகர் அனுபம்கெர் அவர்களுக்கு வாழ்த்துக்களும் பாராட்டுக்களும் குவிந்தது
இந்த நிலையில் சமீபத்தில் நடிகர் அனுபம்கெர் பிரதமர் நரேந்திரமோடியை சந்தித்தார். இந்த சந்திப்பு மரியாதை நிமித்தமானது என்றாலும் இந்த சந்திப்பு குறித்து அனுபம்கெர் தனது சமூக வலைத்தளத்தில் பிரதமர் மோடியை புகழ்ந்து குறிப்பிட்டுள்ளார். அவர் கூறியதாவது:
'அன்புக்குரிய பிரதமர் நரேந்திரமோடி அவர்களே, உங்களை நேரில் சந்தித்தது பெரும் மகிழ்ச்சி அடைகிறேன். உங்களது பார்வையில் உள்ள எதிர்கால இந்தியா மிகவும் வரவேற்கத்தக்கது. உங்களது ஊக்கம் தரும் வார்த்தைகள் ஒவ்வொன்றும் எனக்கு புதிய சக்தியை அளித்து வருகிறது. இந்தியா ஒரு புதிய உயரத்தை அடைய நீங்கள் தொடர்ந்து இந்த பதவியில் இருக்க வேண்டும் என்று கூறியுள்ளார்.
Dear Prime Minister @narendramodi ji. It was an honour & a privilege to meet you. Your vision for India is greatly reassuring & heartwarming. Your inspirational words will always be a great source of energy for me. May you continue to take our country to greater heights. ?????? pic.twitter.com/FsBiqKXt8G
— Anupam Kher (@AnupamPKher) July 1, 2019