భాగ్య‌న‌గ‌రంలో చాలా ఆనందంగా..
- IndiaGlitz, [Friday,December 07 2018]
హైద‌రాబాద్‌కి ఎప్పుడు వ‌చ్చినా త‌న‌కు చాలా ఆనందంగా ఉంటుంద‌ని చెప్పుకొచ్చారు విద్యాబాల‌న్‌. ఆమె ప్ర‌స్తుతం య‌న్‌.టి.ఆర్‌లో బ‌స‌వ‌తార‌కం పాత్ర‌లో న‌టిస్తున్న సంగ‌తి తెలిసిందే. ఈమె నటించిన చిత్రాల్లో మూడు సినిమాలు హైద‌రాబాద్‌లో షూటింగ్ జ‌రుపుకొన్నాయ‌ట.
వాటిలో 100 శాతం షూటింగ్ జ‌రుపుకొన్న చిత్రం య‌న్‌.టి.ఆర్ అట. హైద‌రాబాద్‌లో కాచిగూడ, నాంప‌ల్లి, చార్మినార్ ప్ర‌దేశాలు విద్యాబాల‌న్‌కు చాలా ఇష్ట‌మ‌ని చెప్పుకొచ్చారు. శంషాబాద్‌లోని ఓ ఇంటిని తాను మ‌ర్చిపోలేన‌నీ ఆమె తెలిపారు.
ఆమె న‌టిస్తున్న తొలి తెలుగు చిత్రం య‌న్‌.టి.ఆర్ ఈ సంక్రాంతికి విడుద‌ల కానుంది. ఈ సినిమాను రెండు భాగాలుగా క‌థ‌నాయ‌కుడు, మ‌హానాయ‌కుడు అని విడుద‌ల చేయ‌నున్న విష‌యం తెలిసిందే. ఈ సినిమాకు క్రిష్ ద‌ర్శ‌క‌త్వం వ‌హిస్తుండ‌గా నంద‌మూరి బాల‌కృష్ణ నిర్మిస్తున్నారు.