இயக்குனர் சுசீந்திரன் இயக்கத்தில் கடந்த 2009ஆம் ஆண்டு வெளிவந்த 'வெண்ணிலா கபடிக்குழு' திரைப்படம் நல்ல வரவேற்பை பெற்றதை அடுத்து பல கபடி திரைப்படங்கள் தமிழில் வெளிவந்தன. இந்த நிலையில் தற்போது தற்போது வெண்ணிலா கபடிக்குழு 2' திரைப்படம் உருவாகி விரைவில் திரைக்கு வரவுள்ளது.

இந்த நிலையில் சற்றுமுன் இந்த படத்தின் டீசர் வெளியாகியுள்ளது. இந்த டீசரை நடிகர் ஹரிஷ் கல்யாண் தனது டுவிட்டர் பக்கத்தில் வெளியிட்டுள்ளார். முதல் பாகத்தில் கபடி டீம் பயிற்சியாளராக சூப்பராக நடித்திருந்த கிஷோர் இந்த படத்திலும் நடித்துள்ளார். 'இவ்வளவு நாள் பிழைப்ப பார்த்துகிட்டு நல்லாதானா இருந்திங்க, போங்க' என்று அவர் கூறும் ஒரு வசனம் இந்த டீசரில் கவனிக்கத்தக்க வகையில் உள்ளது.

முதல் பாகத்தில் நாயகனாக நடித்திருந்த விஷ்ணு விஷால் கேரக்டர் கிளைமாக்ஸில் இறந்துவிடும்படி கதை அமைந்திருந்த நிலையில் இரண்டாம் பாகத்தில் விக்ராந்த் நாயகனாக நடித்துள்ளார். அவருடன் சூரி, ஆராதனா, சந்தோஷ், பசுபதி, கிஷோர், கஞ்சா கருப்பு, ரவி மரியா, அப்புக்குட்டி ஆகியோர்களும் நடித்துள்ளனர். செல்வகணேஷ் இசையில் உருவாகியுள்ள இந்த படத்தை செல்வசேகரன் இயக்கியுள்ளார்.