స్టీల్ సిటీ బ్యాక్ డ్రాప్ లో వెంకీ..
- IndiaGlitz, [Tuesday,July 12 2016]
'బాబు బంగారం' సినిమా ఈ నెల‌లో విడుద‌ల కానుంది. ఈ సినిమా త‌ర్వాత సుధా కొంగ‌ర దర్శకత్వంలో వెంక‌టేష్ హీరోగా బాలీవుడ్ చిత్రం 'సాలా ఖ‌ద్దూస్' రీమేక్ కానుంది. రితిక సింగ్ ఈ చిత్రంలో కూడా ఆమె పోషించిన బాక్స‌ర్ పాత్ర‌లో క‌న‌ప‌డుతుంది. ఈ సినిమాను స్టీల్ సిటీ వైజాగ్‌లో చిత్రీక‌రించ‌డానికి స‌న్నాహాలు చేస్తున్నారు.
ఈ చిత్రంలో సీనియ‌ర్ బాక్స‌ర్ పాత్ర‌లో వెంకీ క‌న‌ప‌డుతున్నాడు. త‌న పాత్ర కోసం వెంకీ గ‌డ్డం పెంచుతున్నాడ‌ట. మ‌రి బాక్స‌ర్ క‌దా సిక్స్ ప్యాక్ లాంటి ప్ర‌య‌త్నాలేమైనా చేస్తున్నాడా అంటే అలాంటిదేమీ లేద‌ని, బాక్స‌ర్‌గా ఫిట్‌గా క‌న‌ప‌డే ప్ర‌య‌త్నాలు మాత్రం చేస్తున్నాడ‌ని విశ్వ‌స‌నీయ వ‌ర్గాలు అంటున్నాయి. సెప్టెంబ‌ర్ నుండి సినిమా సెట్స్‌లోకి వెళుతుంద‌ని, సురేష్ ప్రొడ‌క్ష‌న్స్‌తో పాటు మ‌రో బ్యానర్ కూడా ఈ సినిమా నిర్మాణంలో పాలుపంచుకుంటుంద‌ని తెలుస్తుంది