‘వెంకీ మామ‌’ సూపర్ హిట్ టాక్‌తో దూసుకుపోతున్న విషయం తెలిసిందే. మామా అల్లుళ్లు వెంకటేశ్, నాగచైతన్యల కామెడీ టైమింగ్, ఎమోషన్.. సినిమాకు హైలెట్‌గా నిలిచాయి. వారిద్దరికీ మర్చిపోలేని విజయాన్ని అందించాయి. తాజా సమాచారం ప్రకారం ఈ సినిమాకు పని చేసిన రచయితలు... మరో క్రేజీ కాంబినేషన్ కోసం కథ సిద్ధం చేస్తున్నారట. అక్కినేని అన్నదమ్ములు చైతన్య, అఖిల్‌తో ఓ మల్టీస్టారర్‌కి ప్లాన్ చేస్తున్నారట.

‘వెంకీ మామ’ సినిమా.. రచయిత జనార్దన మహర్షి ఆలోచనల్లోంచి పుట్టుకు వచ్చింది. దాన్ని ఆయన కోన వెంకట్‌తో పంచుకున్నారు. ఈ విషయాన్ని దర్శకుడు బాబితో కలిసి సినిమాగా వెంకట్ డెవలప్ చేశారు. దీనికి మరికొందరు సహకరించారని టాక్. ఇప్పుడు వీళ్లు మరో కథను చై, అఖిల్ కోసం రాస్తున్నారని టాలీవుడ్ సమచారం. ‘వెంకీ మామ’ నిర్మించిన సురేశ్ బాబు.. ఈసినిమాను కూడా ప్రొడ్యూస్ చేయనున్నారట.

ఇదిలా ఉంటే చైతన్య, అఖిల్ తమ సినిమాల షూటింగ్‌లో ప్రస్తుతం బిజీగా ఉన్నారు. శేఖర్ కమ్ముల సినిమాలో చైతన్య నటిస్తుంటే.. బొమ్మరిల్లు భాస్కర్ డైరెక్షన్‌లో అఖిల్ యాక్ట్ చేస్తున్నాడు. ఈ రెండు ప్రాజెక్టులు పూర్తయ్యాక ఈ కొత్త ప్రాజెక్ట్ కార్యరూపం దాల్చే అవకాశం ఉందని టాక్.