వారసుడు గురించి ఎనౌన్స్ చేసిన వెంకీ
- IndiaGlitz, [Monday,July 25 2016]
మెగాస్టార్ చిరంజీవి వారసుడు చ‌ర‌ణ్, నాగార్జున వార‌సులు చైత‌న్య, అఖిల్ ఇండ‌స్ట్రీలో ఎంట్రీ ఇచ్చిన విషయం తెలిసిందే. ఇక బాల‌కృష్ణ న‌ట వారసుడు మోక్ష‌జ్ఞ త్వ‌ర‌లో ఎంట్రీ ఇవ్వ‌డానికి రెడీ అవుతున్నారు. అయితే..వెంక‌టేష్ వారసుడు అర్జున్ వ‌య‌సులో చిన్నోడు కావ‌డంతో హీరోగా ఎంట్రీ ఇవ్వ‌డానికి చాలా టైమ్ ఉండ‌డం వ‌ల‌న అనుకుంట ఎలాంటి వార్త‌లు రాలేదు. అయితే...బాబు..బంగారం ఆడియో వేడుక‌లో వెంక‌టేష్ తన న‌ట వారసుడు ఎంట్రీ గురించి ఎనౌన్స్ చేసి అంద‌ర్నీ స‌ర్ ఫ్రైజ్ చేసారు. ఇంత‌కీ వెంకీ ఏమ‌న్నాడంటే....గ‌త ఐదు సంవ‌త్స‌రాలు నుంచి సినిమాలు త‌గ్గించేయాలి అనుకున్నాను. అయితే..బాబు..బంగారం ట్రైల‌ర్ చూసిన‌ప్ప‌టి నుంచి ఇంకో 15 సంవ‌త్స‌రాలు సినిమాలు చేయాలి అనిపిస్తుంది. ఇంకా చెప్పాలంటే....మా అబ్బాయి అర్జున్ సినిమాల్లోకి వ‌చ్చే వరకు న‌టిస్తాను అని చెప్పారు. అంటే...తన వారసుడు అర్జున్ సినిమాల్లోకి రావ‌డం క‌న్ ఫ‌ర్మ్ అని చెప్ప‌క‌నే చెప్పేసాడు వెంకీ. ఈవిధంగా 30 వ‌సంతాలు పూర్తి చేసుకున్న శుభ సంద‌ర్భంలో వెంకీ వారసుడు గురించి ఎనౌన్స్ చేసి అభిమానుల‌కు ఆనందం క‌లిగించాడు.