మలయాళ స్టార్ డైరెక్టర్ తో వెంకీ...
- IndiaGlitz, [Monday,December 14 2015]
విక్ట‌రీ వెంక‌టేష్ గోపాల గోపాల తర్వాత ఇప్ప‌టి వ‌ర‌కు కొత్త సినిమా ప్రారంభించ‌లేదు. అయితే ఇక నుంచి గ్యాప్ లేకుండా వ‌రుస‌గా సినిమాలు చేయ‌డానికి రెడీ అవుతున్నారు వెంకీ. యూత్ ఫుల్ డైరెక్టర్ మారుతి దర్శకత్వంలో ఓ చిత్రం చేయ‌డానికి వెంకీ గ్రీన్ సిగ్న‌ల్ ఇచ్చిన విష‌యం తెలిసిందే. ఈ చిత్రాన్ని ఈ నెల 16న ప్రారంభించ‌నున్నారు.
అలాగే ఓన‌మాలు, మ‌ళ్లీ మ‌ళ్లీ ఇది రానిరోజు చిత్రాల ద‌ర్శ‌కుడు క్రాంతి మాధ‌వ్ డైరెక్ష‌న్ లో సినిమా చేయ‌డానికి వెంకీ ఓకె చెప్పారు. ఈ రెండు చిత్రాల‌తో పాటు తాజాగా మలయాళ స్టార్ డైరెక్టర్ జీతూ జోసెఫ్ దర్శకత్వంలో వెంకీ ఓ సినిమా చేయ‌నున్న‌ట్టు స‌మాచారం. జీతూ జోసెఫ్ మ‌ల‌యాళంలో దృశ్యం సినిమాని తెర‌కెక్కించారు. ఈ సినిమా తెలుగు రీమేక్ దృశ్యం లో వెంకీ న‌టించిన విష‌యం తెలిసిందే. ఇప్పుడు వెంకీ, జీతూ జోసెఫ్ కాంబినేష‌న్లో ఓ భారీ చిత్రాన్ని ప్లాన్ చేస్తున్నారు. ఈ మూవీ సంబంధించి పూర్తి వివ‌రాలు త్వ‌ర‌లో తెలియ‌చేయ‌నున్నారు.