ద‌గ్గ‌బాటి రానా హీరోగా తాప్సీ హీరోయిన్‌గా సంక‌ల్ప్ రెడ్డి ద‌ర్శ‌క‌త్వంలో పివిపి బ్యాన‌ర్‌పై రూపొందుతోన్న యాక్ష‌న్‌థ్రిల్ల‌ర్ ఘాజి. . 1971లో ఇండియా, పాకిస్థాన్ యుద్ధంలో ఇండియ‌న్ నేవీలో కీల‌క‌పాత్ర పోషించిన ఈ యుద్ధ‌నౌక స‌ముద్రంలోనే మునిగిపోయింది. దాన్ని ఆధారంగా చేసుకుని భారీ బ‌డ్జెట్‌తో రూపొందుతోన్న ఈ చిత్రం ప్ర‌స్తుతం చిత్రీక‌ర‌ణ ద‌శ‌లోనే ఉంది.

ఇండో పాక్ యుద్ద స‌మయంలో ఎలాంటి ప‌రిస్థితులు త‌లెత్తాయి అనే అంశాల‌ను ప్రేక్ష‌కుల‌కు చెబుతూనే సినిమాలోకి వారిని తీసుకెళ్ళ‌డానికి ఎవ‌రైనా వాయిస్ ఓవ‌ర్‌తో సినిమాను స్టార్ట్ చేస్తే బావుంటుంద‌ని యూనిట్ భావించింద‌ట‌. వెంక‌టేష్ వాయిస్ ఓవ‌ర్ అయితే మంచి క్రేజ్ ఉంటుంద‌ని యూనిట్ భావించింద‌ట‌. త్వ‌ర‌లోనే అబ్బాయికి బాబాయ్ వాయిస్ ఓవ‌ర్ ఇవ్వ‌నున్నాడు. ఈ సినిమాను హిందీలో క‌ర‌ణ్ జోహార్ విడుద‌ల చేయ‌నున్నారు. ఈ చిత్రాన్ని తెలుగు, త‌మిళం, హిందీ వెర్ష‌న్స్‌లో ఫిభ్ర‌వ‌రి 24న విడుద‌ల చేయ‌నున్నారు.