విక్ట‌రీ వెంకటేష్,  మెగాప్రిన్స్ వరుణ్ తేజ్ కథానాయకులుగా తెరకెక్క‌నున్న‌ మల్టీస్టారర్ మూవీ ‘ఎఫ్2- ఫన్ అండ్ ఫ్రస్ట్రేషన్’. దిల్ రాజు నిర్మిస్తున్న ఈ ఫ్యామిలీ ఎంటర్‌టైన‌ర్‌కి అనిల్ రావిపూడి దర్శకత్వం వహిస్తున్నారు. ప్రస్తుతం ప్రీ-ప్రొడక్షన్ పనులలో భాగంగా నటీనటుల ఎంపిక ప్రక్రియ కొనసాగుతోంది. ఈ నేపథ్యంలో కథానాయికలుగా తమన్నా, మెహరీన్‌లను ఎంపిక చేసినట్టు తెలుస్తోంది. అలాగే మ్యూజిక్ డైరెక్టర్‌గా అనిల్ గత చిత్రాలకు సంగీతం అందించిన సాయి కార్తీక్‌నే ఎంపిక చేస్తారని అందరూ అనుకున్నారు.

అయితే అనూహ్యంగా దేవిశ్రీ ప్రసాద్‌ను సెలెక్ట్ చేసారు దర్శకుడు. గతంలో వెంకటేష్, డీఎస్పీ కాంబినేషన్‌లో ‘తులసి’, ‘నమో వెంకటేశ’ చిత్రాలు రాగా.. ముచ్చటగా మూడోసారి వెంకీ సినిమాకి స్వరాలను అందిస్తున్నారు డీఎస్పీ. ఇదిలా ఉంటే.. ఈ సినిమా రెగ్యుల‌ర్ షూటింగ్‌ జూలై నుంచి ప్రారంభంకానుందని తెలుస్తోంది. ప్రస్తుతం తేజ దర్శకత్వంలో ‘ఆటా నాదే వేటా నాదే’ చిత్రంలో వెంకీ నటిస్తుండగా.. సంకల్ప్‌రెడ్డి డైరెక్షన్‌లో వరుణ్ ఓ సినిమా చేస్తున్నారు.