'ఎఫ్ 2' అప్‌డేట్‌
- IndiaGlitz, [Saturday,May 19 2018]
‘పటాస్’, ‘సుప్రీమ్’, ‘రాజా ది గ్రేట్’ సినిమాలతో హ్యాట్రిక్ విజయాలను అందుకున్న యంగ్ డైరెక్టర్ అనిల్ రావిపూడి. తన త‌దుప‌రి చిత్రంగా.. వెంకటేష్, వరుణ్ తేజ్, తమన్నా, మెహరీన్ హీరోహీరోయిన్లుగా ‘ఎఫ్2: ఫన్ అండ్ ఫ్రస్ట్రేషన్’ చిత్రాన్ని తెరకెక్కించ‌నున్నారు. సరదా, నిరాశల మధ్య సాగిపోయే ఈ ఎంటర్‌టైనర్‌ను సక్సెస్‌ఫుల్ ప్రొడ్యూసర్ దిల్ రాజు నిర్మిస్తున్నారు. నిరాశలో ఉండే ఇద్దరు యువకులు.. వారి నిరాశని మేనేజ్ చేస్తూ.. కామెడీని ఎలా పండించారో అన్నది తెరపై చూపించనున్నారు. అయితే అనిల్ గత చిత్రాల మాదిరి కాకుండా ఫ్యామిలీ ఆడియన్స్ కోసం భావోద్వేగ సన్నివేశాలు కూడా ఉంటాయని అంటున్నారు.
తాజా స‌మాచారం ప్ర‌కారం.. ఇందులో వెంకీ, తమన్నా భార్యాభర్తలుగా క‌నిపించ‌నుండ‌గా.. నిశ్చితార్ధం అయిన జంటగా వరుణ్, మెహరీన్ కనిపించనున్నారని తెలిసింది. అలాగే ఈ రెండు జంటలు తమ జీవితాల్లో ఎదురైన పరిస్థితులను ఎదుర్కొనే విధానాన్ని చాలా హిలేరియస్‌గా డైరెక్టర్ చెప్పబోతున్నారని తెలుస్తోంది. అంతేగాకుండా.. వెంకీ, వరుణ్ తేజ్‌తో పాటు ప్రతీ పాత్ర నవ్విస్తుందని.. అందుకు తగ్గట్టుగానే దర్శకుడు ప్రతీ సన్నివేశాన్ని ఎంతో చక్కగా రాసుకున్నారని అంటున్నారు. ‘రంగమ్మత్త’ అనసూయ కీలక పాత్ర పోషిస్తున్న ఈ సినిమా జూన్ 20 నుంచి సెట్స్ పైకి వెళ్లనుంది. అలాగే 2019 సంక్రాంతికి ఈ చిత్రాన్ని విడుదల చేయడానికి నిర్మాత ప్లాన్ చేస్తున్నారని వినిపిస్తోంది.