மோகன்லால், மீனா நடிப்பில் ஜீத்து ஜோசப் இயக்கிய 'த்ரிஷ்யம் 2’ திரைப்படம் சமீபத்தில் ஓடிடியில் ரிலீஸ் ஆன நிலையில் இந்த படத்திற்கு மிகப்பெரிய பாசிட்டிவ் விமர்சனங்கள் குவிந்து வருகிறது என்பதும் இந்த படம் மிகப்பெரிய வெற்றி பெற்றதாக அறிவிக்கப்பட்டுள்ளது என்பதும் குறிப்பிடத்தக்கது.

இந்த நிலையில் 'த்ரிஷ்யம் 2’ படத்தின் முதல் பாகத்தைப் போலவே இரண்டாம் பாகத்தையும் ரீமேக் செய்ய கிட்டத்தட்ட அனைத்து மொழிகளிலும் உள்ள தயாரிப்பாளர்கள் ஆர்வம் காட்டி வருகின்றனர். இதில் முதல் முதலாக முந்திக் கொண்டது தெலுங்கு திரை உலகம் தான்.

'த்ரிஷ்யம்’ படத்தின் தெலுங்கு ரீமேக்கில் நடித்த வெங்கடேஷ் மீண்டும் 'த்ரிஷ்யம் 2’ படத்திலும் நடிக்க உள்ளார். இதனை படக்குழுவினர் உறுதி செய்ததோடு, இந்த படத்தை ஜீத்து ஜோசப் இயக்க உள்ளதாக படக்குழுவினர் தெரிவித்துள்ளனர். இந்த படத்தின் படப்பிடிப்பு வரும் மார்ச் மாதம் தொடங்க இருப்பதாகவும் ஒரே மாதத்தில் படப்பிடிப்பை முடிக்க திட்டமிட்டு உள்ளதாகவும் தகவல்கள் வெளிவந்துள்ளன.

எனவே இன்னும் ஒரு சில மாதங்களில் 'த்ரிஷ்யம் 2’ தெலுங்கு ரீமேக் படத்தின் ரிலீஸ் தேதி குறித்த தகவல் வரலாம் என்பது குறிப்பிடத்தக்கது. இதேபோல் இந்த படத்தை தமிழிலும் ரீமேக் செய்ய முயற்சிகள் நடைபெற்று வருவதாகவும் கமல்ஹாசனிடம் இதுகுறித்த பேச்சுவார்த்தை நடைபெற்று வருவதாகவும் கூறப்படுகிறது.