విక్ట‌రీ వెంక‌టేశ్ ప్ర‌స్తుతం సినిమాల ఎంపిక‌లో వైవిధ్య‌త‌తో పాటు..వేగాన్ని చూపిస్తున్నారు. ఈ ఏడాది సంక్రాంతికి `ఎఫ్ 2`తో భారీ విజ‌యాన్ని త‌న ఖాతాలో వేసుకున్నారు. ఇప్పుడు మేన‌ల్లుడు నాగ‌చైత‌న్య‌తో క‌లిసి `వెంకీమామ‌` సినిమాలో న‌టిస్తున్నారు. ఈ సినిమా చిత్రీక‌ర‌ణ ముగింపు ద‌శ‌కు చేరుకుంది. మ‌రి వెంక‌టేశ్ త‌దుప‌రి సినిమా ఎవ‌రితో చేయ‌బోతున్నాడ‌నే దానిపై ప‌లు వార్త‌లు వినిపించాయి. అయితే విశ్వ‌స‌నీయ వ‌ర్గాల స‌మాచారం మేర‌కు వెంక‌టేశ్ త‌దుప‌రి త‌రుణ్ భాస్క‌ర్ ద‌ర్శ‌క‌త్వంలో సినిమా చేయ‌బోతున్నాడ‌ట‌. త‌రుణ్ భాస్క‌ర్ వెంక‌టేశ్ కోసం డిఫ‌రెంట్ బ్యాక్‌డ్రాప్‌లో స్క్రిప్ట్‌ను త‌యారు చేస్తున్నాడ‌ట‌. వివ‌రాల ప్ర‌కారం వెంక‌టేశ్ రేస్ కోర్స్, హార్స్ రైడింగ్ నేప‌థ్యంలో సాగే చిత్రంలో న‌టించ‌బోతున్నార‌ట‌. ఈ సన్నివేశాల‌ను హైద‌రాబాద్ మ‌ల‌క్‌పేట‌లోని రేస్ కోర్స్‌లో చిత్రీక‌రించ‌బోతున్నార‌ట త‌రుణ్ భాస్క‌ర్‌.

పెళ్ళిచూపులు చిత్రంతో దర్శ‌కుడిగా పెద్ద హిట్ కొట్టిన త‌రుణ్ భాస్క‌ర్, ఈ సినిమాకు ర‌చ‌యిత‌గా నేష‌న‌ల్ అవార్డుని కూడా సొంతం చేసుకున్నాడు. అయితే త‌రుణ్ డైరెక్ట్ చేసిన `ఈన‌గరానికిఏమైంది` సినిమా క‌మ‌ర్షియ‌ల్‌గా విజ‌యం సాధించిన‌ప్ప‌టికీ త‌రుణ్‌కి మాత్రం పెద్ద‌గా పేరు రాలేదు. దీంతో ఈ యువ ద‌ర్శ‌కుడు వెంక‌టేశ్ సినిమా స్క్రిప్ట్‌ను ఆస‌క్తిక‌రంగా తీర్చిదిద్దే పనిలో ఉన్నార‌ని స‌మాచారం. డి.సురేష్ బాబు ఈ చిత్రాన్ని నిర్మిస్తాడ‌ట‌. త్వ‌ర‌లోనే ఈ సినిమాకు సంబంధించి మరిన్ని వివ‌రాలు తెలియ‌నున్నాయి.