ఆగ‌స్టులో రానున్న వెంకీ, తేజ చిత్రం
- IndiaGlitz, [Tuesday,March 13 2018]
సీనియర్ క‌థానాయ‌కుడు విక్ట‌రీ వెంకటేష్, ద‌ర్శ‌కుడు తేజ కాంబినేష‌న్‌లో ఓ సినిమా రానున్న సంగ‌తి తెలిసిందే. శ్రియ క‌థానాయిక‌గా న‌టించ‌నున్న ఈ చిత్రంలో యువ క‌థానాయ‌కుడు నారా రోహిత్ ఓ కీల‌క పాత్ర పోషిస్తుండ‌గా.. అత‌ని స‌ర‌స‌న ఈషా రెబ్బా న‌టించ‌నుంది. అనూప్ రూబెన్స్ సంగీత‌మందిస్తున్నారు.
సురేష్ ప్రొడ‌క్ష‌న్స్‌, ఎ.కె.ఎంట‌ర్‌టైన్‌మెంట్స్ సంస్థ‌లు సంయుక్తంగా నిర్మిస్తున్న ఈ చిత్రానికి 'ఆటా నాదే వేటా నాదే' అనే పేరు ప‌రిశీల‌నలో ఉంది. ఇదిలా ఉంటే.. ఈ సినిమా రెగ్యుల‌ర్ షూటింగ్‌ను ఈ నెల 26 నుంచి ప్రారంభించ‌నున్నార‌ని వార్త‌లు వినిపిస్తున్నాయి. అంతేగాకుండా.. జూలై నాటికి సినిమాని పూర్తిచేసి ఆగ‌స్టులో ప్రేక్ష‌కుల ముందుకు తీసుకురావ‌డానికి స‌న్నాహాలు చేస్తున్న‌ట్లు తెలుస్తోంది.
వెంకటేష్ ఫిజిక్స్ ప్రొఫెస‌ర్‌గా న‌టించ‌నున్న ఈ సినిమాలో నారా రోహిత్ అత‌నికి బావ‌మ‌రిది పాత్రలో క‌నిపించ‌నున్నార‌ని స‌మాచారం. ఈ చిత్రం పూర్తిచేశాక.. 'య‌న్‌.టి.ఆర్' బ‌యోపిక్‌పై దృష్టి సారించ‌నున్నారు తేజ.