టెలివిజ‌న్ సిరీస్ స్ఫూర్తితో వెంకీ, తేజ చిత్రం?
- IndiaGlitz, [Tuesday,November 28 2017]
నేనే రాజు నేనే మంత్రితో ప‌దిహేనేళ్ల త‌రువాత విజ‌యాన్ని అందుకున్నారు ద‌ర్శ‌కుడు తేజ. ప్రస్తుతం ఆయ‌న రెండు క్రేజీ ప్రాజెక్ట్‌ల‌తో బిజీగా ఉన్నారు. వాటిలో ఒక‌టి న‌ట‌సింహ బాల‌కృష్ణ‌తో రూపొందించనున్న ఎన్టీఆర్ బ‌యోపిక్ కాగా.. మ‌రొక‌టి వెంక‌టేష్‌తో తెర‌కెక్కించ‌నున్న చిత్రం. వీటిలో ముందుగా వెంకీ సినిమా ప‌ట్టాలెక్క‌నుంది.
డిసెంబ‌ర్ 13న ప్రారంభం కానున్న ఈ సినిమాపై ఓ ఆస‌క్తిక‌ర‌మైన విష‌యం వినిపిస్తోంది. అదేమిటంటే.. ఈ సినిమాని అమెరిక‌న్ టెలివిజ‌న్ సిరీస్ బ్రేకింగ్ బ్యాడ్ ఆధారంగా తెర‌కెక్కించ‌నున్నార‌ని తెలిసింది. తెలుగు నేటివిటికి త‌గ్గ‌ట్టుగా మార్పులు చేస్తున్నార‌ని స‌మాచార‌మ్‌.
వెంక‌టేష్ ప్రొఫెస‌ర్ పాత్రలో క‌నిపించ‌నున్న ఈ చిత్రంలో నిత్యా మీన‌న్ హీరోయిన్‌గా న‌టించ‌నుంద‌ని వార్త‌లు వినిపిస్తున్నాయి. నాలుగైదు నెల‌ల్లో సినిమాని పూర్తిచేసి.. వేస‌వి కానుక‌గా సినిమాని ప్రేక్ష‌కుల ముందుకు తీసుకురానున్నార‌ని టాలీవుడ్ వ‌ర్గాలు పేర్కొంటున్నాయి. సురేష్ ప్రొడ‌క్ష‌న్స్ సంస్థ ఈ చిత్రాన్ని నిర్మించ‌నుంది.