మూడో వారం నుంచి వెంకీ, తేజ చిత్రం?
- IndiaGlitz, [Sunday,February 04 2018]
చాలా కాలంగా విజయం కోసం ఎదురుచూసిన సంచలన దర్శకుడు తేజ.. గతేడాది రానా, కాజల్ అగర్వాల్ జంటగా నటించిన నేనే రాజు నేనే మంత్రి' సినిమాతో మళ్ళీ విజయాల బాట పట్టిన సంగతి తెలిసిందే. ఇప్పుడు తేజ‌తో సినిమాలు చేయడానికి నిర్మాతలు, హీరోలు ఆస‌క్తి చూపిస్తున్నారు.
ఆ క్రమంలోనే సీనియ‌ర్ క‌థానాయ‌కుడు విక్టరీ వెంకటేష్ కూడా ఈ దర్శకుడితో సినిమా చేయడానికి గ్రీన్ సిగ్నల్ ఇచ్చారు. వెంకటేష్ ఇమేజ్‌కు తగ్గ వైవిధ్యభరితమైన కథను త‌యారు చేసిన తేజ.. ఇటీవ‌లే ఈ సినిమాని ప‌ట్టాలెక్కించారు. ప్ర‌స్తుతం ప్రీ-ప్రొడక్షన్ పనులు కూడా జరుపుకుంటున్న ఈ సినిమాకి సంబంధించి.. ఒక ఆసక్తికరమైన వార్తను చిత్ర యూనిట్ వెల్లడించింది. అదేమిటంటే.. ఈ నెల 3వ వారం నుంచి ఈ సినిమా సెట్స్ పైకి వెళ్లనుంద‌ట. దీనికి సంబంధించి ఇప్ప‌టికే సన్నాహాలు కూడా జరుగుతున్నాయని స‌మాచార‌మ్‌. ఆటా నాదే వేటా నాదే' అనే టైటిల్ ప్ర‌చారంలో ఉన్న ఈ సినిమాలో నారా రోహిత్‌ యువ క‌థానాయ‌కుడు ఓ కీల‌క పాత్ర‌ను పోషించ‌నున్నార‌ని తెలిసింది.