సినీ ఇండ‌స్ట్రీలో కొన్ని క్రేజీ కాంబినేష‌న్స్ కోసం అభిమానులు, ఇండ‌స్ట్రీ వ‌ర్గాలు ఆస‌క్తిగా ఎదురుచూస్తున్నాయి. అలాంటి వాటిలో సీనియ‌ర్ స్టార్ హీరో విక్ట‌రీ వెంక‌టేశ్‌, రానా ద‌గ్గుబాటి కాంబినేష‌న్‌. ఇది వ‌ర‌కు రానా హీరోగా చేసిన కృష్ణంవందేజ‌గ‌ద్గురుమ్ సినిమాలో వెంక‌టేశ్ ఓ పాట‌లో రానాతో క‌లిసి స్పెప్పులేశాడు. కానీ వీరి క‌ల‌యిక‌లో పూర్తిస్థాయి సినిమా మాత్రం రాలేదు. ఈ బాబాయ్‌, అబ్బాయ్ కాంబినేష‌న్‌లో సినిమా తెర‌కెక్కించాల‌ని వెంక‌టేశ్ అన్న‌.. రానా నాన్న అయిన నిర్మాత డి.సురేశ్‌బాబు ఎప్ప‌టి నుండో ప్ర‌య‌త్నాలు చేస్తున్నాడు కానీ ఏదీ వ‌ర్క‌వుట్ కాలేదు.

కానీ తాజా స‌మాచారం ప్ర‌కారం వీరి కల‌యిక‌లో సినిమా ఉంటుంది. ఈ విష‌యాన్ని స్వ‌యంగా రానానే ఓ ఇంట‌ర్వ్యూలో తెలియ‌జేశారు. వెంక‌టేశ్‌, రానా కోసం మంచి క‌థ కుదిరింద‌ని, త్వ‌ర‌లోనే ద‌ర్శ‌కుడు ఎవ‌రు అనే దానిపై అధికారిక ప్ర‌క‌ట‌న ఉంటుంద‌ని రానా తెలిపాడు.

ప్రస్తుతం వెంకటేశ్ నారప్ప సినిమా షూటింగ్‌లో బిజీ బిజీగా ఉన్న సంగతి తెలిసిందే. దీని తర్వాత ఆయన చేయాల్సిన ప్రాజెక్టులు లైన్‌లో ఉన్నాయి. మరోవైపు రానా దగ్గుబాటి విరాటపర్వం షూటింగ్‌ను స్టార్ట్ చేసే పనిలో ఉన్నాడు.