వెంకీ సినిమాకు ముహుర్తం కుదిరింది
- IndiaGlitz, [Thursday,September 15 2016]
'బాబుబంగారం' త‌ర్వాత విక్ట‌రీ వెంక‌టేష్ హీరోగా సుధ కొంగ‌ర ద‌ర్శ‌క‌త్వంలో బాలీవుడ్ మూవీ 'సాలా ఖ‌ద్దూస్' సినిమా రీమేక్ కానున్న సంగ‌తి తెలిసిందే. సీనియ‌ర్ బాక్స‌ర్, జూనియ‌ర్ లేడీ బాక్స‌ర్ కు ఎలా ట్రైనింగ్ ఇచ్చాడు అనే కాన్సెప్ట్‌తో న‌డిచే ఈ సినిమాలో లేడీ బాక్స‌ర్‌గా బాలీవుడ్‌లో న‌టించిన రితిక సింగ్, తెలుగులో కూడా న‌టిస్తుంది. ఈ సినిమాను సెప్టెంబ‌ర్ 19 న వైజాగ్‌లో ప్రారంభించ‌నున్న‌ట్లు స‌మాచారం.
వైజాగ్‌తో పాటు చెన్నై, మైసూర్ త‌దిత‌ర ప్రాంతాల్లో సినిమా చిత్రీక‌ర‌ణ‌ను చేయ‌డానికి ప్లాన్ చేస్తున్నార‌ట. ఈ సినిమాలో ప్రొఫెష‌న‌ల్ బాక్స‌ర్‌గా క‌న‌ప‌డ‌టానికి వెంకీ కొంత ట్రైనింగ్ కూడా తీసుకున్నాడ‌ని స‌మాచారం. ఈ సినిమాకు 'గురు' అనే టైటిల్ పరిశీలనలో ఉన్నట్టు వార్తలు వస్తున్నాయి.