వెంకీ సినిమా లాంఛనంగా ప్రారంభం...
- IndiaGlitz, [Wednesday,December 16 2015]
విక్ట‌రీ వెంక‌టేష్ హీరోగా మారుతి దర్శకత్వంలో ఫిలింన‌గ‌ర్ స‌న్నిదానంలో నూత‌న చిత్రం ఈరోజు లాంఛనంగా ప్రారంభ‌మైంది. సితార ఎంట‌ర్‌టైన్మెంట్సైపై సూర్య‌దేవ‌ర నాగ‌వంశీ ఈ చిత్రాన్ని నిర్మిస్తున్నారు. ముహుర్త‌పు సన్నివేశానికి అల్లుఅర‌వింద్ క్లాప్ కొట్ట‌గా, సురేష్‌బాబు కెమెరా స్విచ్ఛాన్ చేశారు. తొలి సన్నివేశానికి వి.వి.వినాయ‌క్ గౌర‌వ ద‌ర్శ‌క‌త్వం వ‌హించారు.
రేప‌టి నుండి సినిమా రెగ్యుల‌ర్ చిత్రీక‌ర‌ణ ప్రారంభ‌మ‌వుతుంది. భ‌లే భ‌లే మ‌గాడివోయ్ వంటి సూపర్ స‌క్సెస్ త‌ర్వాత మారుతి దర్శకత్వంలో తెరెకెక్కుతోన్న ఈ చిత్రంపై మంచి అంచ‌నాలే ఉన్నాయి. ఈ చిత్రానికి బాబూ బంగారం అనే టైటిల్ ప‌రిశీల‌న‌లో ఉంది. గిబ్రాన్ సంగీతం అందిస్తున్నాడు. నయనతార హీరోయిన్ గా నటిస్తుంది.