వెంకీ మ‌ర‌ద‌లు దొరికింది..!
- IndiaGlitz, [Wednesday,November 30 2016]
విక్ట‌రీ వెంక‌టేష్ న‌టించిన గురు చిత్రం షూటింగ్ పూర్తి చేసుకుంది. ప్ర‌స్తుతం పోస్ట్ ప్రొడ‌క్ష‌న్ వ‌ర్క్ జ‌రుపుకుంటున్న గురు జ‌న‌వ‌రి నెలాఖ‌రున ప్రేక్ష‌కుల ముందుకు వ‌చ్చేందుకు రెడీ అవుతుంది. ఈ మూవీ త‌ర్వాత వెంకీ ఆడ‌వాళ్లు మీకు జోహార్లు చిత్రంలో న‌టించ‌నున్నారు. ఈ చిత్రానికి నేను శైల‌జ ఫేమ్ కిషోర్ తిరుమ‌ల ద‌ర్శ‌క‌త్వం వ‌హిస్తున్నారు. ఈ చిత్రంలో వెంకీ స‌ర‌స‌న నిత్యామీన‌న్ న‌టిస్తుంది.
అయితే...నిత్యా మీన‌న్ చెల్లెలు పాత్ర కోసం చాలా మందిని ప‌రిశీలించి ఫైన‌ల్ గా తేజ‌స్విని ఎంపిక చేసార‌ని స‌మాచారం. ఆడ‌వారి మాట‌ల‌కు అర్ధాలే వేరులే చిత్రంలో క‌ల‌ర్స్ స్వాతి పాత్ర త‌ర‌హా పాత్ర‌ను తేజ‌స్వి పోషించ‌నుంది. మ‌ళ్లీ మ‌ళ్లీ ఇది రానిరోజు చిత్రంలో త‌ల్లికూతుళ్లుగా న‌టించిన నిత్యామీన‌న్, తేజ‌స్వి ఈ చిత్రంలో అక్కా చెల్లెల్లుగా న‌టిస్తుండ‌డం విశేషం. మ‌ల్టీ డైమ‌న్ష‌న్ ఎంట‌ర్ టైన్మెంట్స్ ప్రై.లిమిటెడ్ స‌మ‌ర్ప‌ణ‌లో పూస్కూర్ రామ్మోహ‌న‌రావు నిర్మించ‌నున్న ఈ చిత్రాన్ని డిసెంబ‌ర్ 10న ప్రారంభించ‌నున్నారు.