వెంకీని టెన్ష‌న్ పెడుతున్న ర‌జ‌నీ..
- IndiaGlitz, [Saturday,July 02 2016]
విక్ట‌రీ వెంక‌టేష్ న‌టించిన లేటెస్ట్ మూవీ బాబు బంగారం. ఈ చిత్రాన్ని మారుతి ద‌ర్శ‌క‌త్వంలో సూర్య‌దేవ‌ర నాగ‌వంశీ నిర్మించారు. సితార ఎంట‌ర్ టైన్మెంట్స్ బ్యాన‌ర్ పై రూపొందిన బాబు బంగారం చిత్రాన్ని జులై 1న రిలీజ్ చేయాల‌నుకున్నారు. అయితే...సూప‌ర్ స్టార్ ర‌జ‌నీకాంత్ న‌టించిన క‌బాలి చిత్రాన్ని జులై 1న రిలీజ్ చేయ‌నున్నాం అని ప్ర‌క‌టించ‌డంతో బాబు బంగారం చిత్రాన్ని జులై ద్వితీయార్ధంలో రిలీజ్ చేయాల‌నుకున్నారు.
జులై 1న రిలీజ్ అనుకున్న క‌బాలి జులై 15కు వాయిదా ప‌డ‌డంతో బాబు బంగారం చిత్రాన్ని జులై 29న రిలీజ్ చేయ‌నున్నాం అని ప్ర‌క‌టించారు. ఇప్పుడు క‌బాలి మ‌ళ్లీ వాయిదా ప‌డింది. ఆగ‌ష్టు1న క‌బాలి రిలీజ్ అంటున్నారు. మ‌రి...జులై 29న రిలీజ్ చేయాల‌నుకున్న బాబు..బంగారం చిత్రాన్ని అనుకున్న డేట్ కే రిలీజ్ చేస్తారో...వారం ముందు రిలీజ్ చేస్తారో చూడాలి.