'మేము వయసుకు వచ్చాము' 'సినిమా చూపిస్తా మామ' 'నేను లోకల్' అంటూ దర్శకుడు త్రినాథ రావు నక్కిన కెరియర్ ఆరంభం నుండి వరుసగా ప్రేమ కథ చిత్రాలను చేసుకుంటూ వస్తున్న విషయం తెలిసిందే. ఇటీవలే యాంగ్ హీరో రామ్ తో 'హలో గురు ప్రేమ కోసమే' చిత్రాన్ని చేశాడు.

సినిమా పర్వాలేదనిపించినా ఆశించినంత స్థాయిలో విజయాన్ని అందుకోలేకపోయింది. దింతో ఈ దర్శకుడు తన పంథా ను మార్చి కొత్తగా సినిమా ట్రై చేయడానికి రెడీ అవుతున్నాడు. ఇటీవలే త్రినాథ రావు విక్టరీ వెంకటేష్ కు ఓ మంచి కథ వినిపించాడట.ఈ కథ నచ్చడంతో వెంకీ కూడా వెంటనే ఒకే చెప్పాడట. అలాగే వెంకీ అన్నయ్య అయినా సురేష్ బాబు ఈ చిత్రాన్ని సురేష్ ప్రొడక్షన్స్ బ్యానర్ పై నిర్మించనున్నారట.

ప్రస్తుతం వెంకీ అనిల్ రావిపూడి దర్శకత్వంలో తెరకెక్కుతున్న మల్టీస్టారర్ చిత్రం 'ఎఫ్ 2' లో వరుణ్ తేజ్ తో కలిసి నటిస్తున్నాడు. దింతో పాటే దర్శకుడు బాబీ దర్శకత్వంలో నాగ చైతన్య తో కలిసి 'వెంకీ మామ' చిత్రం చేయనున్నాడు.ఈ రెండు చిత్రాల తర్వాత దర్శకుడు త్రినాథ రావు నక్కిన దర్శకత్వంలో చేయనున్న సినిమా సెట్స్ పైకి వెళ్లనున్నట్లు సమాచారం.