2013లో ముచ్చ‌ట‌గా మూడు సినిమాల‌తో సంద‌డి చేశారు సీనియ‌ర్ క‌థానాయ‌కుడు విక్ట‌రీ వెంక‌టేష్. ఆ త‌రువాత ప్ర‌తి సంవ‌త్స‌రం ఒక సినిమాకే ప‌రిమితం అవుతూ వ‌స్తున్నారు. అయితే వ‌చ్చే ఏడాది నాలుగు సినిమాల‌తో సంద‌డి చేసేందుకు ఆయ‌న స‌న్నాహాలు చేసుకుంటున్నారు. ఈ విష‌యాన్ని వెంకీనే స్వ‌యంగా చెప్పుకొచ్చారు.

ఆదివారం గుంటూరులో వెంకీ సంద‌డి చేశారు. ల‌క్ష్మీపురంలో నూత‌నంగా ఏర్పాటు చేసిన సీఎంఆర్ షాషింగ్‌మాల్‌ని ప్రారంభించిన వెంకీ.. వ‌చ్చే సంవ‌త్స‌రం నాలుగు సినిమాలు చేసే అవ‌కాశ‌ముంద‌ని తెలిపారు. తేజ‌తో వెంకీ చేస్తున్న కొత్త చిత్రం త్వ‌ర‌లోనే ప్రారంభం కానుండ‌గా.. ఇప్ప‌టికే అనిల్ రావిపూడి, క‌ల్యాణ్ కృష్ణ చిత్రాల‌కు ఆయ‌న గ్రీన్ సిగ్న‌ల్ ఇచ్చార‌ని టాలీవుడ్‌లో క‌థ‌నాలు వినిపిస్తున్నాయి.

అలాగే.. మ‌ల‌యాళ న‌టుడు మోహ‌న్ లాల్‌తో క‌లిసి ఓ మ‌ల‌యాళ సినిమాలో న‌టించేందు ఆయ‌న అంగీక‌రించార‌ని తెలిసింది. ఈ లెక్క‌న‌.. ఈ నాలుగు చిత్రాలే వ‌చ్చే ఏడాది వెంకీ నుంచి వ‌చ్చే సినిమాలుగా భావించ‌వ‌చ్చు. ఆయ‌న గ‌త చిత్రం గురు ఈ ఏడాది మార్చిలో విడుద‌లై.. మంచి విజ‌యం సాధించింది.