వెంకీ బాబు..బంగారం రిలీజ్ డేట్...
- IndiaGlitz, [Tuesday,February 23 2016]
విక్ట‌రీ వెంక‌టేష్ - యువ ద‌ర్శ‌కుడు మారుతి కాంబినేష‌న్లో రూపొందుతున్న చిత్రం బాబు...బంగారం. ఈ చిత్రాన్నిసూర్య‌దేవ‌ర నాగ వంశీ నిర్మిస్తున్నారు. ఈ మూవీలో వెంక‌టేష్ వినోదం అందించే పోలీసాఫీస‌ర్ గా న‌టిస్తున్నారు. వెంకీకి జోడిగా న‌య‌న‌తార న‌టిస్తుంది. డిసెంబ‌ర్ లో షూటింగ్ ప్రారంభించిన బాబు...బంగారం జ‌న‌వ‌రి నుంచి ఏక‌ధాటిగా షూటింగ్ జ‌రుపుకుంటున్నారు.
ఇప్ప‌టి వ‌ర‌కు దాదాపు యాభై శాతం షూటింగ్ పూర్త‌య్యింది. గోపాల గోపాల త‌ర్వాత వెంకీ, భలే భలే మ‌గాడివోయ్ త‌ర్వాత మారుతి క‌ల‌సి చేస్తున్న సినిమా కావ‌డంతో బాబు...బంగారం పై మంచి అంచ‌నాలు ఉన్నాయి. వినోదం ప్ర‌ధానంగా రూపొందుతున్న బాబు...బంగారం చిత్రాన్నిజులై 1న రిలీజ్ చేయ‌డానికి ప్లాన్ చేస్తున్న‌ట్టు స‌మాచారం.