వెంక‌టేశ్‌, బాలీవుడ్ హీరోయిన్ ట‌బు కాంబినేష‌న్‌లో 1991లో రూపొందిన చిత్రం `కూలీ నెం.1`. కె.రాఘ‌వేంద్ర‌రావు ద‌ర్శ‌కుడు. ఈ సినిమా విడుద‌లై ఘ‌న విజ‌యాన్ని సాధించింది. అయితే మ‌ళ్లీ వెంక‌టేష్‌, టబు కాంబినేష‌న్‌లో సినిమా రానేలేదు. లేటెస్ట్ స‌మాచారం ప్ర‌కారం పాతికేళ్ల త‌ర్వాత వెంకీ, ట‌బు కాంబినేష‌న్‌లో సినిమా రానుందని వార్త‌లు విన‌ప‌డుతున్నాయి. స‌మాచారం ప్ర‌కారం.. బాలీవుడ్ చిత్రం `దే దే ప్యార్ దే` సినిమాను తెలుగులో వెంక‌టేశ్‌ హీరోగా రీమేక్ చేయ‌నున్న సంగ‌తి తెలిసిందే. ఈ సినిమాకు సంబంధించిన స్క్రిప్ట్ వ‌ర్క్ జ‌రుగుతుంది.

మ‌రో ప‌క్క నిర్మాత సురేష్ బాబు ప్రీ ప్రొడ‌క్ష‌న్ ప‌నుల‌ను కూడా పూర్తి చేసే ప‌నిలో బిజీగా ఉన్నారు. `దే దే ప్యార్ దే` చిత్రంలో న‌టించిన టబు పాత్ర‌లో ఆమెనే తీసుకోవాల‌ని యూనిట్ భావించి సంప్ర‌దిస్తే టబు కూడా ఎస్ చెప్పింద‌ని వార్త‌లు విన‌ప‌డుతున్నాయి. అంతా అనుకున్న‌ట్లు జ‌రిగే పాతికేళ్ల త‌ర్వాత వెంక‌టేష్‌, టబు కలిసి న‌టించే చిత్ర‌మిదే అవుతుంది. ప్ర‌స్తుతం వెంకీ మామ సినిమాతో బిజీగా ఉన్న వెంక‌టేశ్.. ఆ సినిమా త‌ర్వాత ఈ రీమేక్‌లోనే న‌టించ‌నున్నారు.