தளபதி விஜய் நடிப்பில், வெங்கட் பிரபு இயக்கத்தில், யுவன் சங்கர் ராஜா இசையில், ஏஜிஎஸ் நிறுவனத்தின் தயாரிப்பில் உருவாகி வரும் திரைப்படம்‘கோட்’. இந்த படத்தின் படப்பிடிப்பு கடந்த சில மாதங்களாக நடைபெற்று வருகிறது என்பதும் சமீபத்தில் கூட இந்த படத்தின் படப்பிடிப்பு திருவனந்தபுரத்தில் நடந்த போது ரசிகர்கள் கூட்டம் குவிந்தது என்பதையும் பார்த்தோம்.

இந்த நிலையில் தற்போது அடுத்த கட்டமாக படக்குழுவினர் ரஷ்யாவுக்கு செல்ல இருக்கும் நிலையில் அது குறித்த பணிகள் நடந்து வருவதாக கூறப்படுகிறது. இந்த நிலையில் கடந்த சில மாதங்களாகவே ‘கோட்’ படத்தின் அதிகாரபூர்வ அப்டேட் எதுவும் வராத நிலையில் ரசிகர்கள் தொடர்ந்து வெங்கட் பிரபுவுடன் ‘கோட்’ படத்தின் அப்டேட் குறித்து கேள்வி எழுப்பி வருகின்றனர். இருப்பினும் அவர் படப்பிடிப்பு, கம்ப்யூட்டர் கிராபிக்ஸ் பணிகள் உட்பட சில பணிகளில் பிஸியாக இருப்பதால் அப்டேட் கொடுக்க முடியாத நிலையில் இருப்பதாக கூறப்படுகிறது.

இந்த நிலையில் வெங்கட் பிரபு தற்போது ‘கோட்’ படத்தின் அப்டேட் குறித்து தனது சமூக வலைத்தளத்தில் ’அநியாயம் பண்ணாதீங்க, அப்டேட் மிக விரைவில் நண்பா நண்பி என்று கூறியுள்ளார். மேலும் ’தயவு செய்து என்னை நம்புங்கள், ‘கோட்’ படத்தின் சிறப்பான அப்டேட் கூடிய விரைவில் வரும்’ என்றும் அவர் குறிப்பிட்டுள்ளார். இதனை அடுத்து வரும் தமிழ் புத்தாண்டுக்குள் ‘கோட்’ படத்தின் அட்டகாசமான ஃபர்ஸ்ட் போஸ்டர் வெளிவரும் என்று எதிர்பார்க்கப்படுகிறது.

விஜய், பிரசாந்த், பிரபுதேவா, சினேகா, லைலா, மீனாட்சி சவுத்ரி, பார்வதி நாயர், மோகன், ஜெயராம், அஜ்மல், யோகிபாபு, விடிவி கணேஷ், வைபவ், பிரேம்ஜி, கஞ்சா கருப்பு உள்பட பலர் இந்த படத்தில் நடித்து வருகின்றனர்.

Aniyayam pannadheenga!! Update miga viraivil nanba nanbis!!! #GOAT and trust me it will be a sirapana update 🙏🏽🙏🏽🙏🏽

— venkat prabhu (@vp_offl) March 25, 2024