விஜய் பட இயக்குனரின் அடுத்த படத்தை தயாரிக்கும் வெங்கட்பிரபு
- IndiaGlitz, [Tuesday,September 18 2018]
விஜய் நடித்த 'புலி' படத்தை இயக்கிய இயக்குனர் சிம்புதேவன், வடிவேலு நடித்த 'இம்சை அரசன் 23ஆம் புலிகேசி 2' என்ற படத்தை இயக்கி வந்தார். இந்த படம் ஒருசில பிரச்சனை காரணமாக படப்பிடிப்பு நின்றுவிட்டது.
இந்த நிலையில் சிம்புதேவன் இயக்கவுள்ள புதிய படம் ஒன்றை பிரபல இயக்குனர் வெங்கட்பிரபு தயாரிக்கவுள்ளார். இன்னும் பெயரிடப்படாத இந்த படத்தின் ஆரம்பகட்ட பணிகள் தொடங்கிவிட்டதாகவும் வெகுவிரைவில் இந்த படம் குறித்த அறிவிப்பு வெளியாகும் என்றும் கூறப்படுகிறது.
வெங்கட்பிரபு தற்போது 'பார்ட்டி' என்ற படத்தை இயக்கி முடித்துள்ளார். இந்த படத்தின் ரிலீஸ் தேதி விரைவில் அறிவிக்கப்படவுள்ள நிலையில் அவர் தற்போது சிம்பு நடிக்கும் 'மாநாடு' என்ற படத்தை இயக்கவுள்ளார் என்பது குறிப்பிடத்தக்கது.