'நானும் விஜய்யும் 'வேட்டையன்' படத்தை பார்த்தோம்: வெங்கட் பிரபு..
- IndiaGlitz, [Saturday,October 12 2024]
சூப்பர் ஸ்டார் ரஜினிகாந்த் நடித்த ‘வேட்டையன்’ திரைப்படம் சமீபத்தில் வெளியான நிலையில் இந்த படத்தை முதல் நாள் முதல் காட்சி அன்று தளபதி விஜய் பார்த்தார் என்றும் அது குறித்த வீடியோ வெளியாகி இணையத்தில் வைரல் ஆனது என்பதை ஏற்கனவே பார்த்தோம். இந்த நிலையில் ‘வேட்டையன்’ படத்தை நானும் விஜய்யும் சேர்ந்து பார்த்தோம்’ என்று சமீபத்தில் அளித்த பேட்டியில் இயக்குனர் வெங்கட் பிரபு தெரிவித்துள்ளார்.
ரஜினிகாந்த் நடித்த ‘வேட்டையன்’ திரைப்படத்தை நீங்களும் விஜய்யும் பார்த்தீர்கள் என்று செய்தி வெளியானதே என்று செய்தியாளர்கள் கேட்ட கேள்விக்கு ’ஆமாம் பார்த்தோம், நன்றாக என்ஜாய் செய்தோம், எல்லோருமே தலைவர் ஃபேன் தானே’ என்று தெரிவித்தார். ஆனால் அதே நேரத்தில் ‘வேட்டையன்’ படம் குறித்து விஜய் என்ன சொன்னார் என்பதை அவர் தெரிவிக்கவில்லை என்பது குறிப்பிடத்தக்கது.
விஜய் மட்டுமின்றி ‘வேட்டையன்’ திரைப்படத்தை முதல் நாள் முதல் காட்சியை தமிழ் திரை உலகின் பல பிரபலங்கள் பார்த்தார்கள் என்பதும் படத்தை பார்த்து விட்டு அவர்கள் தங்கள் கருத்துக்களை சமூக வலைதளங்களில் பதிவு செய்தார்கள் என்பதும் குறிப்பிடத்தக்கது.
இந்த நிலையில் ‘வேட்டையன்’ திரைப்படம் ரசிகர்கள் மத்தியில் மிகப்பெரிய வரவேற்பு பெற்றுள்ள நிலையில் இந்த படம் வசூலிலும் சாதனை செய்யும் என்று எதிர்பார்க்கப்படுகிறது