அஜித் நடிப்பில் வெங்கட்பிரபு இயக்கத்தில் உருவான 'மங்காத்தா’ திரைப்படம் மிகப் பெரிய வெற்றி பெற்ற நிலையில் மீண்டும் அஜித் மற்றும் வெங்கட்பிரபு இணைவது எப்போது? என்றும் 'மங்காத்தா 2’ எப்போது என்றும் ரசிகர்கள் கடந்த சில ஆண்டுகளாக கேள்விகளை எழுப்பி வருகின்றனர்

இந்த நிலையில் 'மங்காத்தா 2 ’ திரைப்படத்தின் கதை தயாராக இருப்பதாகவும் அஜித் எப்போது ஓகே சொன்னாலும் உடனே அந்த படத்தை இயக்க தயார் என்றும் வெங்கட்பிரபு பல பேட்டிகளில் கூறியுள்ளார்.

இந்த நிலையில் அஜீத் சமீபத்தில் ஊடகம் ஒன்றுக்கு பேட்டியளித்தபோது அஜித் எப்போது கூப்பிட்டாலும் ஆட்டத்துக்கு தயார் என்றும் அவருடன் பணி வருவது அண்ணன் தம்பியுடன் பணி புரிவது போன்று சுதந்திரமாக இருக்கும் என்றும் கூறினார். மேலும் அஜித் தற்போது ’விஸ்வாசம்’ படத்திற்கு பிறகு ஃபேமிலி சென்டிமென்ட் கதையில் நடித்து வருகிறார் என்றும், அது ‘வலிமை’ வரை தொடர்ந்து கொண்டிருப்பதாகவும் வெங்கட்பிரபு கூறினார்.

இந்த நிலையில் அஜித்தின் அடுத்த படமான ‘அஜித் 61’ படத்தில் அவர் நெகட்டிவ் கேரக்டரில் நடித்து வருவதாக கூறப்படுவதால் இந்த படத்தை முடித்துவிட்டு அவர் ‘மங்காத்தா 2’ படத்தில் நடிப்பார் என்று எதிர்பார்க்கப்படுகிறது.