நடிகர் சிவா நடித்த 'தமிழ்ப்படம் 2' திரைப்படம் கடந்த ஆண்டு வெளியாகி நல்ல வரவேற்பை பெற்றதை அடுத்து அவர் தற்போது வெங்கட்பிரபு இயக்கிய 'பார்ட்டி' என்ற படத்தில் நடித்து முடித்துள்ளார். இந்த படம் விரைவில் வெளியாகவுள்ளது

இந்த நிலையில் வேல்ஸ் நிறுவனத்தின் தயாரிப்பில் சிவா நடித்து கொண்டிருக்கும் 'சுமோ' படத்தின் படப்பிடிப்பு கடந்த சில மாதங்களாக நடைபெற்று வரும் நிலையில் சற்றுமுன் இந்த படத்தின் ஃபர்ஸ்ட்லுக் போஸ்டரை இயக்குனர் வெங்கட்பிரபு தனது சமூக வலைத்தள பக்கத்தில் வெளியிட்டுள்ளார்.

'அகில உலக சுப்பர் ஸ்டார் சிவாவின் புதிய அவதாரம் என்று வெங்கட்பிரபு குறிப்பிட்டுள்ள இந்த ஃபர்ஸ்ட்லுக் போஸ்டரில் சிவா வித்தியாசமான போஸ் கொடுத்து அசத்தியுள்ளார். சிவா ஜோடியாக ப்ரியா ஆனந்த் நடித்து வரும் இந்த படத்தை எஸ்பி ஹோஸ்வின் இயக்கி வருகிறார். நிவாஸ் பிரச்சன்னா இசையில் ராஜீவ் மேனன் ஒளிப்பதிவில் உருவாகி வரும் இந்த படத்தின் திரைக்கதை வசனத்தை நடிகர் சிவாவே எழுதியுள்ளார் என்பது குறிப்பிடத்தக்கது