வேட்பாளர் பட்டியலை அடுத்து தொகுதியை (டைட்டில்) அறிவித்தார் வெங்கட்பிரபு
- IndiaGlitz, [Monday,May 29 2017]
பிரபல இயக்குனர் வெங்கட்பிரபு அவர்களின் பிளாக் டிக்கெட் கம்பெனி நிறுவனம் தயாரிக்கவுள்ள அடுத்த படத்தின் தகவல்கள் வேட்பாளர் பட்டியல் போன்று கடந்த மூன்று நாட்களாக வெளிவந்து கொண்டிருக்கும்போதே, இது ஒரு அரசியல் சம்பந்தப்பட்ட படமாகத்தான் இருக்கும் என்று அனைவராலும் ஊகிக்கப்பட்டது.
இந்த நிலையில் இயக்குனர், ஒளிப்பதிவாளர், இசையமைப்பாளர், நாயகன், நாயகி உள்பட பல தகவல்கள் ஏற்கனவே அறிவிக்கப்பட்ட நிலையில் சற்று முன்னர் இந்த படத்தின் டைட்டிலை வெங்கட்பிரபு அறிவித்துள்ளார். இந்த படத்தின் டைட்டில் 'R.K-நகர்' என்று வைக்கப்பட்டுள்ளது. மறைந்த முன்னாள் முதல்வர் ஜெயலலிதாவின் தொகுதியான இந்த தொகுதியில் சமீபத்தில் இடைத்தேர்தல் அறிவிக்கப்பட்டு பின்னர் ரத்து செய்யப்பட்டது என்பது அனைவரும் அறிந்ததே
வைபவ், சனா, சம்பத் உள்பட பலர் நடிக்கவுள்ள இந்த படத்தை சரவணன் ராஜன் இயக்குகிறார். நடிகர் பிரேம்ஜி இசையமைக்கும் இந்த படத்தின் ஒளிப்பதிவாளர் எஸ்.வெங்கடேஷ், இசையமைப்பாளர் பிரேம்ஜி, படத்தொகுப்பாளர் பிரவீண் கே.எல், கலை இயக்குனர் விதேஷ் மற்றும் காஸ்ட்யூம் டிசைனர் வாசுகி பாஸ்கர் ஆகியோர்கள் பெயர்கள் ஏற்கனவே அறிவிக்கப்பட்டது என்பது குறிப்பிடத்தக்கது.