வெங்கட்பிரபுவின் அடுத்த 'பார்ட்டி'யில் ரெஜினா, சஞ்சிதா, நிவேதா
- IndiaGlitz, [Saturday,June 24 2017]
பிரபல இயக்குனர் வெங்கட்பிரபு கடந்த ஆண்டு 'சென்னை 600028' படத்தின் இரண்டாம் பாகத்தை இயக்கிய நிலையில் அவர் இயக்கவுள்ள அடுத்த படத்தின் டைட்டில், ஃபர்ஸ்ட்லுக் மற்றும் படத்தில் நடிக்கும் நட்சத்திரங்கள் ஆகிய விபரங்கள் வெளிவந்துள்ளது.
இதன்படி வெங்கட்பிரபுவின் அடுத்த படத்தின் டைட்டில் 'பார்ட்டி'. இந்த படத்தில் சத்யராஜ், ஜெயராம், நாசர், சம்பத், ஜெய், சிவா, சந்திரன், ரம்யாகிருஷ்ணன், ரெஜினா, சஞ்சிதா ஷெட்டி, நிவேதா ஆகிய நட்சத்திர கூட்டங்கள் நடிக்கவுள்ளனர். அம்மா கிரியேஷன்ஸ் சார்பில் டி.சிவா இந்த படத்தை தயாரிக்கின்றார்.
மேலும் வெங்கட்பிரபு இயக்கும் படத்தில் முதன்முதலில் பிரேம்ஜி நடிக்கவில்லை. இருப்பினும் அவர் இந்த படத்திற்கு இசையமைக்கின்றார் என்பது குறிப்பிடத்தக்கது. ஏற்கனவே வெங்கட்பிரபுவின் பிளாக் டிக்கெட் நிறுவனத்தின் சார்பில் 'R.K.நகர்' என்ற படம் தயாராகி வருகிறது என்பது குறிப்பிடத்தக்கது.