இயக்குனர் வெங்கட்பிரபு இயக்கி வரும் 'பார்ட்டி' திரைப்படத்தின் படப்பிடிப்புகள் முடிவடைந்து தற்போது போஸ்ட் புரடொக்சன்ஸ் பணிகள் நடைபெற்று வரும் நிலையில் இந்த படம் வரும் தமிழ்ப்புத்தாண்டு தினத்தில் வெளியாக வாய்ப்பு இருப்பதாக கூறப்படுகிறது.

ஜெய், சந்திரன், சிவா, சத்யராஜ், ரம்யாகிருஷ்ணன், ரெஜினா, நிவேதா உள்பட பலர் நடித்துள்ள இந்த படத்திற்கு பிரேம்ஜி இசையமைத்துள்ளார். அம்மா கிரியேஷன்ஸ் டி.சிவா தயாரித்துள்ள இந்த படத்தின் டீசர் சமீபத்தில் வெளிவந்து நல்ல வரவேற்பை பெற்றது என்பது குறிப்பிடத்தக்கது.

உலக சுற்றுலாபயணிகளை பெரிதும் கவர்ந்த பிஜி தீவில் இந்த படத்தின் பெரும்பாலான காட்சிகள் படமாக்கப்பட்டுள்ளது. இந்த தீவில் மட்டும் 52 நாட்கள் படப்பிடிப்பு நடந்துள்ளதாக படக்குழுவினர் தெரிவித்துள்ளனர். மேலும் இந்த படத்தின் டிரைலர் மற்றும் பாடல்கள் ரிலீஸ் தேதி விரைவில் அறிவிக்கப்படும் என தெரிகிறது.