இயக்குனர் வெங்கட் பிரபு இயக்கத்தில் தெலுங்கு நடிகர் நாக சைதன்யா நடிப்பில் உருவான ‘கஸ்டடி’ என்ற திரைப்படம் வரும் வெள்ளி அன்று வெளியாக இருக்கும் நிலையில் இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது. குறிப்பாக சமீபத்தில் வெளியான நாகசைதன்யா மற்றும் ‘சென்னை 28’ பட குழுவினர்களுடன் சந்திப்பு குறித்த புரமோஷன் வீடியோ இணையதளங்களில் வைரல் ஆனது.

இந்த நிலையில் இந்த படத்தின் சென்சார் மற்றும் ரன்னிங் டைம் குறித்த தகவல் தற்போது வெளியாகியுள்ளது. ‘கஸ்டடி’ படத்தை பார்த்த சென்சார் அதிகாரிகள் இந்த படத்திற்கு 'யூஏ’ சான்றிதழ் கொடுத்துள்ளனர்

மேலும் இந்த படம் 147 நிமிடங்கள் 57 வினாடிகள் ரன்னிங் டைம் என்றும் அறிவிக்கப்பட்டுள்ளது. அதாவது இந்த படம் சுமார் 2 மணி நேரம் 28 நிமிடங்கள் ரன்னிங் டைமாக உள்ளது என்பதும் ஒரு சரியான பொழுதுபோக்கு படத்திற்கான ரன்னிங் டைம் தான் என்பதும் குறிப்பிடத்தக்கது

நாக சைதன்யா காவல்துறை அதிகாரியாக நடித்துள்ள இந்த படத்தில் கீர்த்தி ஷெட்டி நாயகியாக நடித்துள்ளார். மேலும் இந்த படத்தில் அரவிந்த்சாமி, ராதிகா, சரத்குமார், சம்பத்ராஜ், பிரேம்ஜி, பிரியாமணி, வெண்ணிலா கிஷோர் உட்பட பலர் நடித்துள்ளனர்.

இசைஞானி இளையராஜா மற்றும் யுவன் சங்கர் ராஜா இருவரும் இசையமைத்துள்ள இந்த படம் வரும் மே 12ஆம் தேதி தமிழ், தெலுங்கு மொழிகளில் வெளியாகிறது. இந்த படத்தை ஸ்ரீநிவாசா சில்வர் ஸ்கிரீன் நிறுவனம் தயாரித்துள்ளது.